Artsakhpress

Սպորտ

Ստեփանակերտի մարզադաշտում ընթանում են Համահայկական 7-րդ ամառային խաղերի անցկացման փորձեր. բացման արարողությանը կլինեն անակնկալներ

Ստեփանակերտի Ստեփան Շահումյանի անվան հանրապետական մարզադաշտում ընթանում են Արցախում կայանալիք Համահայկական 7-րդ ամառային խաղերի անցկացման նախապատրաստական փորձեր:

Ստեփանակերտի մարզադաշտում ընթանում են Համահայկական 7-րդ ամառային խաղերի անցկացման փորձեր. բացման արարողությանը կլինեն անակնկալներ

Ստեփանակերտի   մարզադաշտում     ընթանում  են   Համահայկական 7-րդ ամառային խաղերի  անցկացման փորձեր. բացման  արարողությանը   կլինեն  անակնկալներ
ՍՏԵՓԱՆԱԿԵՐՏ, 10 հուլիսի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում Համահայկական խաղերի համաշխարհային կոմիտեի նախագահ Իշխան Զաքարյանն  ասել   է, որ   փորձերը    կշարունակվեն  մինչև  հուլիսի   25-ը,  իսկ  հուլիսի   27-ից  կլինեն  գլխավոր  փորձերը. այն   կտևի    մինչև  օգոստոսի   5-ը:
Օգոստոսի  6-ին  Ստեփանակերտում  տեղի     կունենա    Համահայկական 7-րդ ամառային խաղերի բացման  հանդիսավոր   արարողություն:
«Փորձերն    ընթանում են  լավ: Բացման  արարողությունը  լինելու  է չափազանց  գեղեցիկ, սպասվում  են  հետաքրքիր  անակնկալներ: Մասսայական  տեսարաններում  ընգրկված  է  լինելու   շուրջ    1500 մասնակից՝  պարողներ, դերասաններ, կամավորականներ, որոնց  հետ   խաղերի  գլխավոր  ռեժիսորն  այժմ  փորձեր է անցկացնում»,-ավելացրել   է  Ի. Զաքարյանը: 
Խոսելով  մարզադաշտի  պայմանների  մասին՝ նա ասել է, որ  մարզադաշտը  փոքր  է:
Ըստ  Ի. Զաքարյանի՝ ներկայումս   համահայկական  խաղերի  համաշխարհային կոմիտեի  ներկայացուցիչների  մասով իրենք   ունեն   4-5  հազար  հրավիրատոմսի պատվեր: Փորձում  են  մարզադաշտն  այնպես  օգտագործել, որ     բացման  արարողությանը կարողանա մասնակցել    7-8  հազար  հանդիսատես: Խաղերի  բացման  արարողությանն   ընդգրկված  է  լինելու  7-8   հազար  մարդ՝ շքերթի, ստեղծագործական  խմբի  և   այլ  մասնակիցներ:
«Խնդրին  լուծում  տալու  համար    նախատեսում  ենք   տեղադրել   երկու  մեծ  էկրան, որոնցով  ուղիղ    հեռարձակում ենք  ապահովելու: Դրանք    կտեղադրվեն Վերածննդի  հրապարակի   աջ  և  ձախ   կողմերում:  Այն  մարդիկ  ովքեր  հնարավորություն  չեն  ունենա  մտնելու      մարզադաշտ, գոնե   հրապարակից կկարողանան   հետևել բացման  արարողությանը:  Մարզադաշտի   մուտքն  ազատ   է  լինելու»,-մասնավորապես  ասել է  մեր  զրուցակիցը: 
 Համահայկական 7-րդ ամառային խաղերի   գլխավոր  մրցավար  Դերենիկ  Գաբրիելյանի  խոսքով՝  խաղերի   մեկնարկը  տրվելու   է Արցախից, հետո   այն  շարունակվելու  է   ՀՀ-ում:
«Ֆուտբոլային    խաղերն     անց  են  կացվելու  Ստեփանակերտի, Մարտունու, Ասկերանի  և  Մարտակերտի նորակոռույց  մարզադաշտերում, որոնք    համապատասխանում են   ժամանակակից    չափանիշներին:  Պետք  է  նշեմ, որ    ինչպես  ԱՀ-ում, այնպես էլ ՀՀ-ում կան մարզադահլիճների պակաս:  Եթե  մենք ուզում ենք համահայկական  խաղերը   զարգացնել,   պետք  է  մտածել նոր  մարզաբազաներ  ստեղծելու մասին: Ստեղծվել  են կառավարական  հանձնաժողովներ, ովքեր  զբաղվում  են   հենց  այդ  հարցերով: Համահայկական  խաղերին  արդեն  գրանցվել  են  350-ից  ավել  մրցավարներ, որոնցից    150-ը  կմասնակցեն   շքերթին»,-մասնավորապես  ասել է   Դ. Գաբրիելյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Վիտալի Բալասանյանի գրասենյակը հայտարարություն է տարածել

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search