Artsakhpress

Քաղաքական

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Սամվել Բաբայանը և նրա թիմակիցները փորձում են մեր հանրությանը մոլորության տանելով և զգացական թելերի վրա խաղալու քայլերով բացատրել, որ իբր այս գործընթացով Արցախը վերջնականորեն կմիավորվի մայր Հայաստանին:

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին
ՍՏԵՓԱՆԱԿԵՐՏ, 12 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ՀՅԴ Արցախի Կենտրոնական կոմիտեի ներկայացուցիչ, «Դաշնակցություն» խմբակցության պատգամավոր Դավիթ Իշխանյանը՝ անդրադառնալով Արցախի պաշտպանության բանակի նախկին հրամանատարի կողմից նախաձեռնած ստորագրահավաքին:
«Ի սկզբանե, պետք է ասել, որ այդ գործողությունների շարքը, որն ուղեկցվում է ստորագրահավաքով, ունի վերջնական նպատակ՝ օրենսդրական նախաձեռնությամբ սահմանադրական փոփոխություններ կատարելու: Բայց դա առաջին հայացքից: Բնականաբար, սա նաև մեր քաղաքացիների, ինչպես նաև այս կամ այն քաղաքական խմբի նախապատվության ու նախաձեռնության խնդիրն է: Մյուս կողմից պետք է համապատասխան տեսակետ և գնահատական հնչեցվի ծավալված գործընթացին, որն իր մեջ պարունակում է լուրջ վտանգներ: Դրանք հատկապես միտված են այն գաղափարներին ու նպատակներին, որոնք 1988 թ.-ին սկսված ազգային-ազատագրական պայքարի մի քանի տարիներից հետո Արցախը Հայաստանին վերամիավորման գաղափարը փոխակերպելու մարտավարական ձևաչափով էին ներկայացված, այն է՝ Արցախի անկախ հանրապետության հռչակումով, միջազգայնորեն ճանաչման գործընթացով նպատակին հասնելը: Այստեղ է խնդիրը, և այստեղ է այն վտանգը, որ Սամվել Բաբայանը և նրա թիմակիցները փորձում են մեր հանրությանը մոլորության տանելով և հանրության զգացական թելերի վրա խաղալու քայլերով բացատրել, որ իբր այս գործընթացով Արցախը վերջնականորեն կմիավորվի մայր Հայաստանին»,- մասնավորապես նշել է Դ. Իշխանյանը:
Օրենսդրական այդ նախաձեռնությամբ Հայաստանի և Արցախի Հանրապետությունների քաղաքացիներին կարծես հնարավորություն է տրվում երկուստեք մասնակցելու տվյալ հանրապետության ընտրական գործընթացներին: Սակայն, ըստ պատգամավորի, Սամվել Բաբայանի թիմակիցների կողմից առավելապես խոսվում է ՀՀ քաղաքացիներին ԱՀ ընտրական գործընթացներին մասնակցության հնարավորություն տալու մասին: Միաժամանակ, Դ. Իշխանյանը գտնում է, որ պետք է իրավական կողմից այս գործընթացին նայել և եզրահանգումներ կատարել:
«Պետք է լինի երկուստեք գործընթաց՝ ՀՀ և ԱՀ պաշտոնական շրջանակների կողմից: Ցավոք սրտի, մենք տեսնում ենք միակողմանի գործընթաց, որն ունի վերոնշյալ վտանգները: Մյուս կողմից մենք ականատեսն ենք լինում մեր հասարակության մեջ լուրջ բևեռացումների, համախոհության և միասնականության մթնոլորտի առճակատման առաջացման և միմյանց նկատմամբ թշնամական մթնոլորտի ձևավորման: Բնականաբար, մենք միշտ կարողացել ենք այսպիսի էքստրեմալ վիճակներում համապատասխան ելքեր գտնել: Ես չէի ասի, որ մենք գտնվում ենք այդ էքստրեմալ իրավիճակներում, այդուհանդերձ զարգացումները մեզ կարող են հասցնել այդպիսի մի իրավիճակի, հատկապես՝ ներքաղաքական առումով»,- ավելացրել է Դ. Իշխանյանը:
Պատգամավորի խոսքով՝ ականատես ենք լինում մեր արտաքին ճակատի վրա գտնվող մարտահրավերների շարքին:
«Բնականաբար, մեր հորդորը պետք է լինի զսպվածությունը, իմաստության դրսևորումը, համախոհության մթնոլորտի ձևավորումը և միմյանց նկատմամբ հանդուրժողականության ցուցաբերումը: Մեր միասնականությունը մեզ պարգևել է հաղթանակներ, և այդ միասնականությունը մեզ ոգու ուժ է տվել ու եղել է հիմնական ուղեկիցը վերջին 30 տարիների ընթացքում: Թերևս այս 30 տարիների վերջին դասը, որը լի է փառապանծ էջերով, հաղթանակներով, պետք է ունենա նաև իր շարունակականությունը»,- ասել է Դ. Իշխանյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Զինծառայող Էրիկ Հարությունյանի մահվան դեպքի առթիվ հարուցվել է քրեական գործ

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ռուսական ռազմաբազան ՀՀ–ում գեղեցկության համար չէ. եթե սահմանային միջադեպերի հարցով ՀՀ–ն դիմի ՀԱՊԿ–ին, ապա կգործարկվեն նախատեսված մեխանիզմները. Զատուլին

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

Ստեփանակերտում կազմակերպվել է ֆլեշ մոբ

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Ստեփանակերտում կկազմակերպվի «Իմ սեր Հայաստան» խորագրով ֆլեշմոբ

Search