Artsakhpress

Հասարակական

Ստեփանակերտում կազմակերպվել է ՀՅԴ պատանեկան ճամբար (լուսանկարներ)

Հայ հեղափոխական դաշնակցության Ամերիկայի արևելյան շրջանի երիտասարդական միության նախաձեռնությամբ և ՀՅԴ Արցախի երիտասարդական և պատանեկան միությունների աջակցությամբ Ստեփանակերտի Աշոտ Ղուլյանի անվան N2 հիմնական դպրոցում հուլիսի 8-ից մեկնարկել է երկշաբաթյա պատանեկան ճամբարը:

Ստեփանակերտում կազմակերպվել է ՀՅԴ պատանեկան ճամբար (լուսանկարներ)

Ստեփանակերտում կազմակերպվել է ՀՅԴ պատանեկան ճամբար (լուսանկարներ)
ՍՏԵՓԱՆԱԿԵՐՏ, 12 հուլիսի, ԱՐՑԱԽՊՐԵՍ«Արցախպրես»-ի թղթակցի հետ զրույցում ճամբարի ընդհանուր պատասխանատու Մայքլ Գոլոգոսյանն ասել է, որ ճամբարին մայրաքաղաքի դպրոցներից մասնակցում են մոտ 240 պատանիներ:
«Ճամբարի սկիզբն ամեն օր ազդարարվում է առավոտյան ժամը 10:00-ին՝ Արցախի օրհներգով և ավարտվում 16:00-ին՝ «Մշակ, բանվոր» քայլերգով: Ճամբարն ունի հագեցած օրակարգ, որը հետաքրքիր ու բովանդակալից է դարձնում արցախցի պատանիների ամառային առօրյան: Նրանց հնարավորություն է տրվում տարբեր դպրոցների իրենց հասակակիցների հետ առավել  շատ  շփվելու և նոր գաղափարներով ու առաջարկություններով կիսվելու: Ճամբարի ծրագրի շրջանակներում կազմակերպվում են ժամանցային տարբեր խաղեր, պատանիները սովորում են ազգագրական երգեր ու պարեր, կատարում ձեռքի աշխատանքներ, բարելավում հայոց պատմության ու անգլերենի իրենց իմացությունը և այլն: Ամերիկահայ  և  Ավստրալիահայ 19 խմբապետերը  փորձում են ուրախ ու հիշարժան դարձնել ճամբարականների առօրյան: Պատանիները բաժանված են 3 խմբի՝ կարմիր, կապույտ և ծիրանագույն, որոնց միջև տեղի են ունենում մրցութային տարբեր խաղեր: Այս ամիս նախատեսված է նաև երկշաբաթյա ճամբար կազմակերպել Ասկերանում: Մենք կարևորում և անհրաժեշտություն ենք համարում պատանիների շրջանում նմանատիպ միջոցառումների անցկացումը և վստահ ենք, որ այն կկրի շարունակական բնույթ»,-մասնավորապես ասել է Մ. Գոլոգոսյանը:
Ճամբարի մասնակից Նարեկ Մկրտչյանն էլ իր շնորհակալությունն է հայտնել միջոցառման կազմակերպիչներին՝ իրենց առօրյան հագեցած ու բովանդակալից դարձնելու համար:
«Մեծ հաճույքով ու ոգևորվածությամբ եմ հաճախում ճամբար: Այստեղ ձեռք եմ բերել նոր ընկերներ, բարելավել ունեցածս գիտելիքները, սովորել ազգային երգեր ու պարեր:Նման ճամբարները մեզ՝ պատանիներիս ոգևորում և նոր լիցք են հաղորդում, որպեսզի մեր ունեցած ներուժը կենտրոնացնենք հայրենիքի հզորացման ու բարգավաճման գործում:
Կցանկանայի, որ ծրագիրը կրի շարունակական բնույթ և իմ բոլոր հասակակիցներն էլ հնարավորություն ունենային մասնակցելու նման տպավորիչ ու հետաքրքրություններով լի ճամբարին»,-մասնավորապես ասել է նա:

     

Քաղաքական

Ռազմական

Ամենադիտված

ամիս

շաբաթ

օր

Վիտալի Բալասանյանի գրասենյակը հայտարարություն է տարածել

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Այսօր Ապրիլյան պատերազմի հերոս Նորայր Հաջիյանի ծննդյան օրն է

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Բակո Սահակյանը ստորագրել է մի շարք օրենքներ

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Հայտնի է դարձել Երևան - Մոսկվա չվերթի ինքնաթիռի սրահում տեղի ունեցած միջադեպի պատճառը

Արցախում լեգիտիմ իշխանություն ձևավորելու հարցում «Ազատ հայրենիք» կուսակցությունը վճռական է լինելու. Արայիկ Հարությունյան

Search