ՍՏԵՓԱՆԱԿԵՐՏ, 13 հուլիսի, ԱՐՑԱԽՊՐԵՍ: Ժամը 14:00-ին Ստեփանակերտի Շառլ Ազնավուրի անվան մշակույթի կենտրոնի բակում կմեկնարկի «Լույսի մոլորակ» ծնողի և մանկան կրթական փառատոնը, որի ընթացքում ծնողները և մանուկները հնարավորություն կունենան մասնակցելու բաց դասերի: Փառատոնը կազմակերպվում է «Իմ քայլը» հիմնադրամի հովանու ներքո՝ ԱՀ Մարդու իրավունքների պաշտպանի հետ համագործակցությամբ:

 

Ժամը 14:00-ին կանցկացվի նկարչության բաց դաս:

Ժամը 14:30-ին կկազմակերպվի ժապավենագործության բաց դաս:

Ժամը 15:00-ին «Արևիկ» մանկական բուժմիավորման տեղամասային մանկաբույժ Նունե Մելքումյանը կանդրադառնա կրծքով կերակրման անհրաժեշտությանը:

 

Ժամը 16:00-ին «Արևիկ» մանկական բուժմիավորման հոգեբան-հոգեթերապևտ Անահիտ Լալայանը կներկայացնի «Երեխայի զարգացում և հատուկ կարիքների բացահայտում. Աուտիզմը դատավճիռ չէ» թեման:

 

Ժամը 16:00-ին կկազմակերպվի կոլաժի բաց դաս:

 

Ժամը 17:00-ին Ստեփանակերտի «Մոր և մանկան առողջության պահպանման կենտրոն»-ի բժիշկ Էդուարդ Ղահրամանյանը կներկայացնի «Առողջ ընտանիքի գրավականը. հղիություն, ծննդաբերություն և հետծննդաբերական շրջան» թեման:

 

Ժամը 17:00-ին կկազմակերպվի ազգագրական պարերի բաց դաս:

 

Ժամը 18:00-ին «Սլավմեդ» բժշկական կենտրոնի նորածնային ծառայության ղեկավար, Նեոնատալ բժշկության հայկական ասոցիացիայի ներկայացուցիչ Հովհաննես Ղազարյանը կանդրադառնա նորածնային խնամքին:

Ժամը 18:00-ին կկազմակերպվի կարատեի բաց դաս:

 

Ժամը 19:00-ին փառատոնի շրջանակներում կներկայացվի Կիբերանվտանգությունը:

Ժամը 19:00-ին Երևանի խամաճիկների պետական թատրոնի կողմից կբեմադրվի «Հենզելն ու Գրետելը» մանկական թատերական ներկայացումը:

 

Ժամը 20:00-ին Ստեփանակերտի Շառլ Ազնավուրի անվան մշակույթի կենտրոնի բակում տեղի կունենա «Անահիտ» երաժշտական անիմացիոն մուլտֆիլմի բացօթա ցուցադրությունը:  

 

Օրվա ընթացքում սպասվում են նաև այլ միջոցառումներ:

Ժամը 16:00-ին Ասկերանի մարզադաշտում ԱՀ 2019 թ.-ի մրցաշրջանի ֆուտբոլի առաջնության շրջանակներում տեղի կունենա Բերդ (Ասկերան)-Երազանք (Ստեփանակերտ) շրջանային թիմերի ֆուտբոլային հանդիպումը:

Ժամը 18:00-ին Ասկերանի մարզադաշտում կհանդիպեն Արցախ-21 (Ստեփանակերտ)-Գանձասար (Վանք) ֆուտբոլային հավաքականները:

Ժամը 18:00-ին Մարտունու մարզադաշտում տեղի կունենա Դիզակ(Հադրութ)-Քիրս(Շուշի) ֆուտբոլային հանդիպումը: 

Ժամը 18:00-ին «Արմատներ» կենսակենտրոնում երեխաների համար կկազմակերպվի կավագործության վարպետաց բաց դաս:

 

Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերում, ֆեյսբուքում, ինստագրամում և յութուբի ալիքում:

 

«Արցախպրես» լրատվական գործակալությունն ամեն օր ներկայացնում է Արցախում տեղի ունեցող իրադարձությունների անոնսը: Շահագրգիռ անձանց հրավիրում ենք համագործակցության: Միջոցառումների մասին տեղեկատվություն կարող եք փոխանցել մեր էլեկտրոնային հասցեի (info@artsakhpress.am) կամ ֆեյսբուքյան էջի միջոցով: