Artsakhpress

Տնտեսական

ՀՀ-ԱՄԷ ներդրումային ծրագիր վերականգնվող էներգետիկայի ոլորտում. ՀՀ նախագահի այցի առաջին արդյունքը

Հանրապետության նախագահ Արմեն Սարգսյանը հուլիսի 12-ին ընդունել է Աբու Դաբիի «Մասդար» ընկերության պատվիրակությանը՝ գլխավոր գործադիր տնօրեն Մոհամեդ Ջամիլ ալ Ռամահի գլխավորությամբ:

ՀՀ-ԱՄԷ ներդրումային ծրագիր վերականգնվող էներգետիկայի ոլորտում. ՀՀ նախագահի այցի առաջին արդյունքը

ՀՀ-ԱՄԷ ներդրումային ծրագիր վերականգնվող էներգետիկայի ոլորտում. ՀՀ նախագահի այցի առաջին արդյունքը
ՍՏԵՓԱՆԱԿԵՐՏ, 12 հուլիսի, ԱՐՑԱԽՊՐԵՍ:  Այս տարվա սկզբին Արաբական Միացյալ Էմիրություններ կատարած այցի շրջանակում նախագահ Արմեն Սարգսյանն Աբու Դաբիում այցելել էր նաև «Մասդար» ընկերություն և «Մասդար Սիթի» նորարարական քաղաք, քննարկել և պայմանավորվածություններ ձեռք բերել հնարավոր համագործակցության վերաբերյալ։
Այսօր արդեն այդ ուղղությամբ կատարվում են առաջին քայլերը:
Ինչպես տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից, նախագահ Սարգսյանը ողջունել է «Մասդար» և «Հայաստանի պետական հետաքրքրությունների հիմնադրամ» ընկերությունների միջև վերականգնողական էներգետիկայի ոլորտում համագործակցության մասին փոխըմբռնման հուշագրի ստորագրումը:
«Շատ ուրախ եմ, որ այսօր ԱՄԷ կարևորագույն գիտաարդյունաբերական կենտրոններից մեկը՝ Masdar-ը , Հայաստանում փաստաթուղթ ստորագրեց, որով ծրագրում են խոշոր ներդրում կատարել վերականգնվող էներգետիկայի ոլորտում,-  նշել է Հանրապետության նախագահը: -Սա հետաքրքիր ծրագիր է, որի վրա կարող ենք կառուցել ավելին՝ հայկական և էմիրաթական կողմերի հետ միասին ներգրավելով նաև ուրիշների՝ Եվրոպայից, Արևելքից կամ Հարավից:
Կարծում եմ, մեր այցելությունը ԱՄԷ իր արդյունքն է տալիս և սա սկիզբն է»:
Նախագահը վստահություն է հայտնել, որ նաև այլ ծրագրեր են լինելու, գուցե և ավելի մեծ, քանի որ ոլորտները, որոնց վերաբերյալ ինքն ԱՄԷ ղեկավարություն հետ քննարկումներ է ունեցել և սկզբունքային համաձայնությունների հասել, բավականին ընդգրկուն են՝ սննդի անվտանգությունից մինչև արհեստական բանականություն, անշարժ գույքի զարգացում և այլն:
«Մասդար» ընկերության գլխավոր գործադիր տնօրեն Մոհամեդ Ջամիլ ալ Ռամահը Հայաստանի նախագահի այցը ԱՄԷ երկու երկրների համար արդյունավետ գնահատելով՝ ասել է, որ այդ ընթացքում ձեռք բերված պայմանավորվածությունները սկսել են իրականություն դառնալ, և փոխըմբռնման հուշագրի ստորագրումն առաջին քայլն էր: Նա վստահություն է հայտնել, որ յուրաքանչյուր փոքր հաջողություն հանգեցնելու է նոր հաջողությունների։ 

     

Քաղաքական

Ռազմական

Ամենադիտված

ամիս

շաբաթ

օր

Վիտալի Բալասանյանի գրասենյակը հայտարարություն է տարածել

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Այսօր Ապրիլյան պատերազմի հերոս Նորայր Հաջիյանի ծննդյան օրն է

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Բակո Սահակյանը ստորագրել է մի շարք օրենքներ

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Հայտնի է դարձել Երևան - Մոսկվա չվերթի ինքնաթիռի սրահում տեղի ունեցած միջադեպի պատճառը

Արցախում լեգիտիմ իշխանություն ձևավորելու հարցում «Ազատ հայրենիք» կուսակցությունը վճռական է լինելու. Արայիկ Հարությունյան

Search