Artsakhpress

Հասարակական

Ստեփանակերտում մեկնարկել է «Լույսի մոլորակ» ծնողի և մանկան կրթական փառատոնը (լուսանկարներ)

«Իմ Քայլը» հիմնադրամի և ԱՀ մարդու իրավունքների պաշտպանի գրասենյակի համագործակցությամբ, ԱՀ Առողջապահության և ԱՀ Մշակույթի, երիտասարդության հարցերի և զբոսաշրջության նախարարությունների մասնակցությամբ այսօր՝ հուլիսի 13-ին, Ստեփանակերտի Շառլ Ազնավուրի անվան մշակույթի կենտրոնում մեկնարկել է «Լույսի մոլորակ» ծնողի և մանկան կրթական փառատոնը:

Ստեփանակերտում մեկնարկել է «Լույսի մոլորակ» ծնողի և մանկան կրթական փառատոնը (լուսանկարներ)

Ստեփանակերտում մեկնարկել է «Լույսի մոլորակ» ծնողի և մանկան կրթական փառատոնը (լուսանկարներ)
ՍՏԵՓԱՆԱԿԵՐՏ, 13 հուլիսի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել ԱՀ մարդու իրավունքների պաշտպան Արտակ Բեգլարյանը: Նա շնորհակալություն է հայտնել միջոցառման բոլոր աջակիցներին, կազմակերպիչներին և հովանավորներին՝ իդեալական պայմաններ ստեղծելու և երեխաներին ու ծնողներին օգտակար գիտելիքներ փոխանցելու համար:
«Այսպիսի միջոցառումները հնարավորություններ են ստեղծում ինտելեկտուալ ժամանցի, ընտանիքի ներդաշնակ զարգացման, իրազեկվածության աստիճանի բարձրացման համար:Ստեղծված բավականին բարենպաստ պայմաններն ինքնին արդեն լրացուցիչ միջավայր են ստեղծում  մարդու իրավունքների պաշտպանության համար: Մենք նույնպես միջոցառման կողքին ենք և պատրաստ ենք հնարավորինս աջակցելու  երեխաների և ընտանիքների զարգացմանն  ու  մարդու իրավունքների պաշտպանության հիմքերի ամրապնդմանը»,-մասնավորապես ասել է Ա. Բեգլարյանը:
Մեզ հետ զրույցում «Իմ քայլը» հիմնադրամի տնօրեն Հովհաննես Ղազարյանն ասել է, որ Արցախում են գտնվում իրենց ծրագրերից մի քանիսի իրականացման մեկնարկը տալու համար:
«Լույսի մոլորակ» ծնողի և մանկան կրթական փառատոնը բավականին հետաքրքիր բովանդակություն ունի: Այն ծնողների և երեխաների համար հնարավորություններ կստեղծի կարևոր տեղեկատվություն ստանալու և զարգացնող միջոցառումների  մի մասնիկը կազմելու: Այս միջոցառմանը զուգահեռ կտրվի նաև «Հայաստանն առանց պլաստիկ թափոնների» արշավի մեկնարկը: Այն նպատակ է հետապնդում բարձրացնել մարդկանց իրազեկվածությունը պլաստիկե թափոնի հետևանքների վերաբերյալ: Իսկ վաղը Սոնասարի համայնքում կբացվի մանկապարտեզ, որը վերանորոգվել է «Իմ քայլը»  հիմնադրամի և մեր որոշ գործընկերների ջանքերով: «Իմ քայլը» հիմնադրամի ապագայում սպասվող ծրագրերը հասանելի կլինեն հայկական 2 պետությունների բոլոր քաղաքացիների համար: Սա դեռ սկիզբն է, և մենք դեռ ընդլայնելու ենք մեր գործունեությունն Արցախում»,-մասնավորապես ասել է Հ.Ղազարյանը:

     

Քաղաքական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Վիտալի Բալասանյանի գրասենյակը հայտարարություն է տարածել

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Այսօր Ապրիլյան պատերազմի հերոս Նորայր Հաջիյանի ծննդյան օրն է

Մահացել է ՀՀ վաստակավոր արտիստ Ռուդոլֆ Ղևոնդյանը

Սուրբ Նիկողայոս վանքը փոխանցվել է հայ համայնքին

Բակո Սահակյանը ստորագրել է մի շարք օրենքներ

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Search