ՍՏԵՓԱՆԱԿԵՐՏ, 13 հուլիսի, ԱՐՑԱԽՊՐԵՍ: Աշխարհի 7-րդ ռակետը 6-2, 6-2 հաշվով պարտության մատնեց Ուիմբլդոնի 7-ակի չեմպիոն Սերենա Ուիլյամսին: Առաջին սեթում Հալեպը 4:0 հաշվով առաջ էր ընկել մրցակցից և մինչև սեթի ավարտը վստահ պահեց իր առավելությունը, գրում է Armsport.am-ը :

Երկրորդ սեթում Սերենան մի փոքր մտավ խաղի մեջ, սակայն ռումինուհին հաղթեց անսխալ գործողությունների հաշվին:

Հալեպը խաղի ընթացքում ձևակերպեց 1 էյս, թույլ չտվեց կրկնակի սխալներ և կատարեց 4 բրեյք-փոինթ: 37-ամյա Սերենան թույլ տվեց մեկ կրկնակի սխալ և չձևակերպեց ոչ մի բրեյք-փոինթ: Թենիսիստուհիները ընդհանուր դիմակայությունների հաշիվը դարձավ 9-2՝ հօգուտ ամերիկուհու:

Այս տիտղոսը Հալեպի համար երկրորդն էր «Մեծ սաղավարտի» մրցաշարերում, որը բերեց նրան մրցանակային 2,250,000 ֆունտ ստերլինգ և 2000 վարկանիշային միավոր: