«Իմ քայլը» բարեգործական հիմնադրամի, «ԱՍ» և «Focus on Cilldren Now» բարեգործական կազմակերպությունների համատեղ նախաձեռնությամբ Քաշաթաղի շրջանի Սոնասար համայնքում շահագործման է հանձնվել նոր մանկապարտեզ:
Սոնասար համայնքը նոր մանկապարտեզ ունի
ՍՏԵՓԱՆԱԿԵՐՏ, 15 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրուցյում ասել է Սոնասար համայնքի ղեկավար Անդրանիկ Կյուրեխյանը՝ նշելով, որ մանկապարտեզի շենքի ներսի և դրսի պատերի նկարազարդումներն իրականացվել է «Ազատ հայրենիք» կուսակցության աջակցությամբ:
Խոսելով մանկապարտեզի շենքային պայմանների և հնարավորությունների մասին՝ համայնքի ղեկավարն ասել է. «Մանկապարտզի շենքը մեկհարկանի է: Այն նախատեսված է 20 երեխայի համար, որտեղ հաճախում են ոչ միայն Սոնասարի երեխաները, այլև՝ հարակից գյուղերի: Մանկապարտեզը լրիվությամբ կահավորված է. այն ունի ննջասենյակներ, խաղասենյակ, խոհանոց, սանհանգույց, ինչպես նաև խաղահրապարակ, որտեղ կազմակերպում են բակային խաղեր»:
Ա. Կյուրեխյանն ավելացրել է նաև, որ ժամանակակից պահանջներին համապատասխան մանկապարտեզ ունենալը մեծ ձեռքբերում է համայնքի բնակիչների համար, քանի որ երեխաներն այսուհետ հնարավորություն են ունենալու ուսումնական հաստատոթյունում կրթվելու, դաստիարակվելու և հետաքրքիր ժամանաց անցկացնելու:
