Artsakhpress

Մշակույթ

Հուլիսի 28-ին նշվելու է Վարդավառը. կկազմակերպվեն միջոցառումներ

Այս տարի Քրիստոսի Պայծառակերպության տոնը նշվելու է հուլիսի 28-ին:

Հուլիսի 28-ին նշվելու է Վարդավառը. կկազմակերպվեն միջոցառումներ

Հուլիսի 28-ին նշվելու է Վարդավառը. կկազմակերպվեն միջոցառումներ
ՍՏԵՓԱՆԱԿԵՐՏ, 15 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Քրիստոնեական  դաստիարակության  կենտրոնի    տնօրեն, Ասկերանի    շրջանի  հոգևոր   հովիվ  Տեր Մեսրոպ  քահանա  Խունոյանը:
Նրա խոսքով՝ Քրիստոսի Պայծառակերպությունը Հայ Առաքելական Եկեղեցու հինգ տաղավար տոներից մեկն է:«Այն նաև Պետրոս, Հովհաննես և Հակոբոս առաքյալների առջև Քրիստոսի այլակերպության հիշատակն է, որն, ըստ ավանդության՝ տեղի է ունեցել Թաբոր լեռան վրա: Քրիստոսի Պայծառակերպության մասին վկայում են Մատթևոս (17: 1-13) Մարկոս (9: 1-12) և Ղուկաս (9: 28-36) ավետարանիչները:Հայ եկեղեցին Քրիստոսի Պայծառակերպությունը տոնում է Զատիկից 98 օր հետո՝ հունիսի 28-ից մինչև օգոստոսի 1-ն ընկած ժամանակահատվածում: Այս տարի այն նշվելու է հուլիսի 28-ին: Հայաստանյայց եկեղեցին այն կոչում է նաև Այլակերպության տոն կամ Վարդավառ: Վերջինս հին հայկական տոնի անվանումն ունի, որից պահպանվել է նաև միմյանց վրա ջուր ցողելու սովորույթը: Պայծառակերպության տոնին հաջորդող երկուշաբթի օրը մեռելոց է: Թե ինչպես են նշել Արցախցիները, տեղեկությունները քիչ են: Հիմնականում կազմակերպում էին ուխտագնացություններ, ջրոցի էին խաղում, ժողովրդական երգեր երգում ու ազգային պարեր պարում»,-մասնավորապես ասել է նա:
 
Անդրադառնալով Արցախում եկեղեցական տոնի առթիվ կազմակերպվելիք միջոցառումներին՝ նա ասել է, որ այս տարի ուխտագնացություն է կազմակերպվելու դեպի Գանձասար, քանի որ Պայծառակերպության տոնը համարվում է Գանձասարի վանքի ուխտի օր (այդ օրն է օծվել), իսկ Ասկերանի Սուրբ Աստվածածին եկեղեցում մատուցվելու է Սուրբ Պատարագ, որից հետո՝ ժամը 13:30-ին, եկեղեցու մոտ տեղի է ունենալու միջոցառում, որն ուղեկցվելու է խաղերով, երգ ու պարով, ասմունքով: Հանրապետության մյուս եկեղեցիներում ևս մատուցվելու է Սուրբ Պատարագ:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ամփոփվել են sms քվեարկության առաջին արդյունքները. հայտնի են առաջատարները

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Հադրութում կկայանա Արցախյան գինու վեցերորդ փառատոնը

Կանոնավոր ջրամատակարարման վերականգնման ուղղությամբ աշխատանքներ են տարվում

Մարտակերտ քաղաքից 20 կմ հյուսիս-արևմուտք գրանցվել է 3.7 մագնիտուդով երկրաշարժ

Search