Artsakhpress

Քաղաքական

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Սահնամադրական փոփոխություններով նախագահի կամ պետական այլ բարձր պաշտոնների առաջադրման համար պետք է ոչ թե կրճատենք Արցախում ապրելու ժամկետները, այլ, իմ կարծիքով, հակառակը՝ անհրաժեշտ է խստացնել օրենսդրական պահանջները բարձրաստիճան պաշտոնյաների նկատմամբ՝ դրույթ սահմանելով, օրինակ, որպեսզի պաշտոնավարումից հետո Արցախում, ասենք, առնվազը տասը տարի ապրելու պահանջ դրվի:

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

ՍՏԵՓԱՆԱԿԵՐՏ, 15 հուլիսի, ԱՐՑԱԽՊՐԵՍԱյս մասին «Արցախպրես»-ի հետ զրույցում ասել է «Ազատ հայրենիք» կուսակցության ԱԺ «Հայրենիք» խմբակցության պատգամավոր Ռոբերտ Ղահրամանյանը՝ անդրադառնալով սահմանադրական փոփոխությունների առաջարկով Արցախում նախաձեռնված ստորագրահավաքին:

«Երբ հետհայացք ենք նետում, Արցախի բարձրաստիճան գրեթե ոչ մի պաշտոնյա՝ իր ընտանիքի անդամների հետ միասին, պաշտոնավարումից հետո երկրում չի մնացել: Կարծում եմ՝ երևույթն ինքնին շատ վիրավորական է, քանի որ Արցախը խոպանի վայր չէ: Թեմայի շուրջ կուսակցության ներսում բազմիցս քննարկումներ ենք ունեցել, և չեմ բացառում, որ առաջիկայում հենց մենք հանդես կգանք այդօրինակ նախաձեռնությամբ, որպեսզի Մայր օրենքում ամրագրենք այդ դրույթը»,- նշել է պատգամավորը:

Ռ. Ղահրամանյանի խոսքով՝ դա չի նշանակում, որ ինքը դեմ է ՀՀ քաղաքացիություն ունեցող անձանց մասնակցությունը Արցախի կառավարման կյանքին, քանի որ դա միայն ընտրովի պաշտոններով չի արտահայտվում, բայց բոլոր նրանք, ովքեր բարձրագույն պաշտոններ են զբաղեցրել, պաշտոնավարումից անմիջապես հետո պարտադիր պետք է միառժամանակ ապրեն Արցախում:

«Դա առաջին հերթին բարոյական պահանջ է, որը, համոզված եմ, վայելում է նաև հանրային լայն աջակցություն: Ամոթ է հայրենիքում չապրելը և վերադառնալը նորից պաշտոն ստանալու հույսով, ակնկալիքով կամ սահմանադրական փոփոխությունների նախաձեռնությամբ: Արցախը մեզ համար աշխարհի ամենալավ երկիրն է, և բոլոր այն ղեկավար այրերը, ովքեր այստեղից դուրս ապրելու վայրեր են փնտրում, ուրեմն կարևոր թյուրիմացություն է եղել: Եվ ես, իմ կուսակցական ընկերները պատրաստ ենք օրենսդրական ճանապարհով ուղղելու այդ թյուրիմացությունը»,- ասել է մեր զրուցակիցը:


     

Քաղաքական

Հասարակական

Ամենադիտված

ամիս

շաբաթ

օր

Արցախում ստեղծվել է նոր կուսակցություն. կայացել է հիմնադիր համագումարը

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Նախագահի խորհրդականը` զինծառայողների՝ հեռախոս ունենալու և օգտագործելու կարգի մասին

Հայտնաբերվել է ՀՀ ԱԱԾ նախկին պետ Գեորգի Կուտոյանի դին՝ հրազենային վնասվածքով․ ՀՀ ՔԿ

Անցած տարում մաքրվել և բարեկարգվել են մոտ 4 տասնյակ պատմական հուշարձաններ

«Արմաթ»-ն ապագայի ալգորիթմն է. Արցախում բացվել է 27-րդ ինժեներական լաբորատորիան

Լավ հիշում եմ, երբ ադրբեջանցի մեծահասակ գարշահոտ հարեւանը բռնեց ինձ եւ ես ճանկռելով փախա.Աննա Աստվածատրյան (տեսանյութ)

Search