Artsakhpress

Հասարակական

Հանրագրերի ինստիտուտի ամրագրումը կխթանի ժողովրդավարության ամրապնդմանը. ԱՀ արդարադատության նախարար

Այսօր՝ հուլիսի 16-ին, տեղի ունեցած ԱՀ կառավարության նիստին, ԱՀ արդարադտաության նախարար Արարատ Դանիելյանը ներկայացրել է «Հանրագրերի մասին», «Հյուպատոսական ծառայության մասին» օրենքում լրացում կատարելու մասին ԱՀ կառավարության որոշման նախագիծը:

Հանրագրերի ինստիտուտի ամրագրումը կխթանի ժողովրդավարության ամրապնդմանը. ԱՀ արդարադատության նախարար

Հանրագրերի  ինստիտուտի  ամրագրումը  կխթանի  ժողովրդավարության  ամրապնդմանը. ԱՀ արդարադատության  նախարար
ՍՏԵՓԱՆԱԿԵՐՏ, 16 հուլիսի, ԱՐՑԱԽՊՐԵՍ«Արցախպրես»-ի  թղթակցի  հաղորդմամբ՝   Ա.  Դանիելյանն  ասել է, որ   հանրագրեր   ներկայացնելու   իրավունքը՝   որպես  քաղաքական  իրավունք, կարևորագույն  նշանակություն  ունի  անհատական  և  հանրային  շահերի   պաշտպանության   տեսանկյունից:
«Հանրագիրը   միջոց  է  պարտադրելու   պետական  և  տեղական  ինքնակառավարման  մարմիններին  և  պաշտոնատար  անձանց  հաշվի  առնել  հասարակության   կարծիքը, միջոցներ  ձեռնարկել  հասարակության  անդամների  կողմից  բարձրացված  հարցերի  լուծման  ուղությամբ: Վերաբերելով  ոչ  միայն   քաղաքացիներին, այլև օտարերկրյա    քաղաքացիներին  և  քաղաքացիություն  չունեցող  անձանց՝  այն  հնարավորություն  է  տալիս     ապահովելու   հասարակության  առավել  լայն  մասնակցություն և ներգրավվածություն  հանրային  նշանակություն ունեցող  հիմնախնդիրների  լուծման  գործընթացներին»,-ավելացրել  է  նախարարը:
Ըստ  Ա.  Դանիելյանի՝  հանրագիրը   Սահմանադրության  53-րդ  հոդվածի  հիման  վրա  հանրային  նշանակություն  ունեցող  հարցերով  ներկայացվող  գրություն  կամ  պետական  և  տեղական  ինքնակառավարման մարմինների ու  պաշտոնատար  անձանց  գործունեության  թերությունների  մասին հաղորդում կամ  պետական  և  տեղական  ինքնակառավարման  մարմինների  ու  պաշտոնատար  անձանց  գործունեության  բարելավման, տնտեսական, քաղաքական, սոցիալական  և  հասարակական  կյանքի  այլ  ոլորտների  վերաբերող  հարցերի   կարգավորման  կամ  գործող  իրավակարգավորումների կատարելագործման  վերաբերյալ  առաջարկություն  է:
«Հանրագրերը  կարող  են  ներկայացվել գրավոր  կամ  բանավոր  եղանակով:   Գրավոր   հանրագրերը  կարող  են  ներկայացվել  թղթային  կամ  էլեկտրոնային  եղանակաով, իսկ   բանավոր  հանրագրերը  ներկայացվում  են   անհգատական  ընդունելության  ընթացքում: Հանրագրերը  կարող  են  լինել  ընդհանուր  կամ  կոլեկտիվ: Անհատական  հանրագիրը  ներկայացվում  է  մեկ  ֆիզիկական  կամ  մեկ  իրավաբանական  անձի   կողմից, իսկ    կոլեկտիվ  հանրագիրը՝  երկու    և ավելի  անձանց  կողմից: Հանրագիր  ներկայացնող   անձի  պահանջը    չի  կարող  վերաբերել  այնպիսի  միջոցառումների, որոնք  ուղղված  կլինեն ԱՀ ինքնիշխանության  դեմ,  սահմանադրական  կարգի  բռնի  տապալմանը,  տարածքային  ամբողջականության  բռնի  փոփոխությանը, ազգային, ռասսայական, կրոնական ատելություն  բորբոքելուն  կամ  այլ  խտրական  վերաբերմունք  հարուցելուն, ինչպես  նաև   բռնություն  կամ  պատերազմ  քարոզելուն, այլ  անձանց  հիմնական  իրավունքների  և  ազատությունների  խախտմանը  կամ  մարդու  արժանապատվության  նսեմացմանը: հանրագիր  ներկայացրած  անձն  իրավունք  ունի  ցանկացած  ժամանակ  հետ  վերցնել  հանրագիրը կամ հրաժարվել  կոլեկտիվ  հանրագրից»,-մանրամասնել է   Ա.  Դանիելյանը՝  և  ընդծել, որ     որոշումն  ուժի  մեջ  է  մտնելու  2021 թվականից:
Նախարարն  ասել է    նաև, որ  հանրագրերի  ինստիտուտի  ամրագրումը  կխթանի  ժողովրդավարության  ամրապնդմանը, ժողովրդաիշխանության  առավել  ամբողջական  իրացմանը, կապահովի  հասարակության  մասնակցությունը  պետական  և  տեղական ինքնակառավարման  գործընթացին, կբարձրանա  հանրային  իշխանության սուբյեկտների  պատասխանատվությունը  հասարակության  առջև  և  այլն:  
Նիստին՝  ԱՀ   նախագահը  հանձնարարել  է, որպեսզի   հասարակության  տարբեր   շերտերի  հետ  կազմակերպվեն  քննարկումներ՝ վերոնշյալ  նախագծի   վերաբերյալ:

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Ստեփանակերտում 2-ամյա երեխա է թունավորվել

Ամփոփվել են sms քվեարկության առաջին արդյունքները. հայտնի են առաջատարները

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Հադրութում կկայանա Արցախյան գինու վեցերորդ փառատոնը

Մարտակերտ քաղաքից 20 կմ հյուսիս-արևմուտք գրանցվել է 3.7 մագնիտուդով երկրաշարժ

Search