Artsakhpress

Հասարակական

Հուլիսի 17-ին սպասվող իրադարձությունները. Անոնս

«Արցախպրես» լրատվական գործակալությունը ներկայացնում է այսօր սպասվող իրադարձությունները:

Հուլիսի 17-ին սպասվող իրադարձությունները. Անոնս

Հուլիսի 17-ին սպասվող իրադարձությունները. Անոնս
ՍՏԵՓԱՆԱԿԵՐՏ, 17 հուլիսի, ԱՐՑԱԽՊՐԵՍ: Այսօր Ասկերանի շրջանի Պատարա համայնքում մեկնարկում է «Ընտանեկան ճամբար-2019»-ը, որի նպատակն է ընտանիքի դերի ուժեղացումը և ընտանեկան արժեքների պահպանումը: Ծրագրի ընթացքում մասնակից թիմ-ընտանիքները հնարավորություն կունենան արցախյան գեղատեսիլ բնության գրկում միասին անցկացնելու ազգային-ավանդական, մարզա-տուրիստական, մշակութային մրցույթներով, հետաքրքրիր հանդիպումներով և ծանոթություններով հագեցած օրեր:
Ժամը 16:00-ին ծրագրի շրջանակներում տեղի կունենա «Նաղաշ» մշակութաժամանցային միջոցառում:
Ժամը 16:30-ին կկազմակերպվի «Գտիր քո զույգը» ժամանցային խաղ` ծնողների մասնակցությամբ:
Ժամը 17:30-ին ճամբարականների համար կկազմակերպվի խոհանոցային մրցույթ:
Ժամը 18:00-ին Ստեփանակերտի մշակույթի և երիտասարդության պալատում տեղի կունենա գրող, արձակագիր, Արցախյան ազգային-ազատագրական շարժման ակտիվ մասնակից Մաքսիմ Հովհաննիսյանի ծննդյան 85-ամյակին նվիրված հոբելյանական երեկո: Միջոցառմանը ներկաները հնարավորություն կունենան Մաքսիմ Հովհաննիսյանից ստանալու նվեր` «Արցախ իմ, ցավ իմ» ժողովածուն, որի համար 2004 թ.-ին նրան շնորհվել է Եղիշեի անվան պետական մրցանակ: Մուտքն ազատ է:
Ժամը 18:00-ին «Արմատներ» կենսակենտրոնում («The Roots») երեխաների համար կկազմակերպվի ժապավենագործության վարպետության բաց դաս:
Ժամը 19:00-ին «Արմատներ» կենսակենտրոնում («The Roots») կկազմակերպվի «Ազատություն և պատասխանատվություն» թեմայով սեմինար-քննարկում: Սեմինարը հատկապես նրանց համար է, ովքեր միշտ անհանգստանում են ուրիշների համար, և դա խանգարում է նրանց հանգիստ ապրել կամ էլ ուզում են առողջ պատկերացումներ ունենալ պատասխանատվության մասին: Սեմինարը կվարի հոգեբանության մագիստրոս ու պրակտիկ հոգեբան Անի Աբրահամյանը: Մուտքն ազատ է:
Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերումֆեյսբուքումինստագրամում և յութուբի ալիքում:
 
«Արցախպրես» լրատվական գործակալությունն ամեն օր ներկայացնում է Արցախում տեղի ունեցող իրադարձությունների անոնսը: Շահագրգիռ անձանց հրավիրում ենք համագործակցության: Միջոցառումների մասին տեղեկատվություն կարող եք փոխանցել մեր էլեկտրոնային հասցեի (info@artsakhpress.am) կամ ֆեյսբուքյան էջի միջոցով:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

Բախվել են «ԳԱԶ-53»-ն ու «Hyundai Sonata»-ն. վերջինս ամբողջությամբ այրվել է. կան վիրավորները (ֆոտո)

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

ԿԽՄԿ ներկայացուցիչներն այցելել են Արայիկ Ղազարյանին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հադրութում կկայանա Արցախյան գինու վեցերորդ փառատոնը

Կանոնավոր ջրամատակարարման վերականգնման ուղղությամբ աշխատանքներ են տարվում

Մարտակերտ քաղաքից 20 կմ հյուսիս-արևմուտք գրանցվել է 3.7 մագնիտուդով երկրաշարժ

Search