Artsakhpress

Հասարակական

Ստեփանակերտում կայացել է «Արևիկ» ճամբարի բացման հանդիսավոր արարողությունը

Ստեփանակերտի Ավետիք Իսահակյանի անվան N 10 դպրոցում այսօր՝ հուլիսի 18-ին, կայացել է «Արևիկ» ճամբարի բացման հանդիսավոր արարողությունը:

Ստեփանակերտում կայացել է «Արևիկ» ճամբարի բացման հանդիսավոր արարողությունը

Ստեփանակերտում կայացել է «Արևիկ» ճամբարի բացման հանդիսավոր արարողությունը
ՍՏԵՓԱՆԱԿԵՐՏ, 18 հուլիսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել Ստեփանակերտի Ավետիք Իսահակյանի անվան N 10 դպրոցի տնօրեն Անահիտ Հակոբյանը: Նա շնորհակալություն է հայտնել ճամբարի կազմակերպիչներին՝ աշակերտների ամառային հանգիստը բարձր մակարդակով կազմակերպելու համար: Տնօրենը կարևորել  և անհրաժեշտություն է համարել պատանիների շրջանում նմանատիպ միջոցառումների անցկացումը և վստահություն հայտնել, որ այն կկրի շարունակական բնույթ: 
Արարողությանը ներկա ԱՀ կրթության, գիտության և սպորտի նախարար Նարինե Աղաբալյանը ողջունելով ճամբարակններին՝ շնորհավորել է նրանց ճամբարի մեկնարկի առթիվ:
««Արևիկ»  ճամբարը  հերթական անգամ իր հյուրընկալ դռներն է բացել մայրաքաղաքի տարբեր դպրոցների աշակերտների առջև: Այսօր մենք հնարավորություն ունենք կազմակերպելու նրանց լիարժեք ու բովանդակալից ամառային հանգիստը՝ մեր հայրենիքն իրենց կյանքի գնով ազատագրած  և  այս  պահին  մարտական դիրքերում կանգնած մեր քաջարի տղաների շնորհիվ: Շատ ուրախ ենք, որ նոր սերունդը գիտակցում է այդ փաստը և իր երգերում ու կարգախոսներում մեծարում ու գովերգում  է մեր քաջորդիներին: Մենք ակնկալում ենք, որ ճամբարում ձեռք բերած գիտելիքներն ու որակներն օգնելու են, որ նրանք  դառնան մեր հայրենիքի խիզախ պաշտպաններ»,-մասնավորապես ասել է Ն.Աղաբալյանը:
 
Միջոցառմանը բարձրացվել է ճամբարի դրոշը, ճամբարականները հնչեցրել են են իրենց խմբերի կարգախոսները, հանդես եկել հայրենասիրական ու ազգային երգերով ու պարերով:
Մեզ հետ զրույցում Ստեփանակերտի Սախարովի անվան N 8 դպրոցի փոխտնօրեն, ճամբարի աշխատակից Իրինա Օսիպովան ասել է, որ ճամբարին մայրաքաղաքի դպրոցներից մասնակցում են 9-14 տարեկան 175 աշակերտ:
 
«Ճամբարն ունի հագեցած օրակարգ, որը հետաքրքիր ու բովանդակալից է դարձնում արցախցի պատանիների ամառային առօրյան: Նրանց հնարավորություն է տրվում տարբեր դպրոցների իրենց հասակակիցների հետ առավել  շատ  շփվելու և նոր գաղափարներով ու առաջարկություններով կիսվելու: Ճամբարի ծրագրի շրջանակներում կազմակերպվում են ժամանցային տարբեր խաղեր, պատանիները սովորում են ազգագրական երգեր ու պարեր, կատարելագործում տարբեր առարկաներից իրենց ունեցած գիտելիքները: Ճամբարականները բաժանված են 5 խմբի, որոնցից ամեն մեկում ընդգրկված է 30-35 աշակերտ: Նրանց կողմից կազմակերպվում են սպորտային, համերգային և մրցութային տարբեր միջոցառումներ»,-մասնավորապես ասել է նա:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Հայկական երկու հանրապետությունների ղեկավարներն այցելել են հանրապետության հյուսիսային սահմանագիծ

Search