Artsakhpress

Հասարակական

Շուշիի Եզնիկ Մոզյան արհեստագործական ուսումնարանում ֆրանսահայ խոհարարների կողմից անց են կացվում վարպետաց դասեր (լուսանկարներ)

Շուշիի Եզնիկ Մոզյան արհեստագործական ուսումնարան հիմնադրամում (ԵՄԱՈՒ) ֆրանսահայ շեֆ խոհարար Ալեն Ալեքսանյանը և խոհարար Ժերայր Վարդան Եսայանը կրթահամալիրի աշկերտների համար անց են կացնում ութօրյա վարպետության դասեր:

Շուշիի Եզնիկ Մոզյան արհեստագործական ուսումնարանում ֆրանսահայ խոհարարների կողմից անց են կացվում վարպետաց դասեր (լուսանկարներ)

Շուշիի Եզնիկ Մոզյան արհեստագործական ուսումնարանում   ֆրանսահայ  խոհարարների  կողմից   անց  են  կացվում   վարպետաց  դասեր (լուսանկարներ)
ՍՏԵՓԱՆԱԿԵՐՏ, 19 հուլիսի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում  շեֆ խոհարար Ալեն Ալեքսանյանն  ասել  է, որ  Արցախ   գալու  իր  նպատակը  խոհարարության  ոլորտում  իր   փորձն  ու  գիտելիքները  արցախցի   սկսնակ    խոհարարներին փոխանցելն է:
«Այստեղ    ես  պատրաստում  եմ  այն  ճաշատեսակները, որոնք  ավելի  շատ  են   տարածված  և  ըհդունված  Ֆրանսիայում:  Ամեն  օր  նոր  ուտեստներ ենք   պատրաստում, որոնք   նորություն  են   աշկերտների  համար»,-ավելացրել  է  շեֆ  խոհարարը:
Խոհարար    Ժերայր Վարդան Եսայանն էլ     Ֆրանսիայում   զբաղվում  է   օրգանական գյուղատնտեսական մթերքի և հումքի արտադրության, պահպանման, վերամշակման, փոխադրման և  իրացման   խնդիրներով:
Նա  ցանկություն  է  հայտնել, որ Շուշիի Եզնիկ Մոզյան արհեստագործական ուսումնարանի  տարածքում   ևս   հիմնի  պարտեզ, որտեղ   աշկերտները  կկարողանան  զբաղվել   օրգանական գյուղատնտեսական մթերքների  արտադրությամբ:
Ուսումնարանի հասարակական սնունդ բաժնի արտադրական ուսուցման վարպետ Ալյոնա Սարգսյանն  ասել  է, որ     2018  թվականի   սեպտեմբերից խոհարարությունը   ներգրավվել  է   «Եզնիկ Մոզյան»-ի   ուսումնական  ծրագրերում: 
«Խոհանոցն  արվեստ  է, մշակույթ, մտածողություն  և  փիլիսոփայություն:  Յուրաքանչյուր  ազգի  խոհանոց    պատմամշակութային  արժեք  է: Խոհանաոցային   գործիքները  կարող  են պատմել  մարդու  կենցաղավարության  մասին: Մեր  ազգային  մշակույթի   պապանումը  սկսվում  է    խոհանոցից:  Աշկերտներին    ուսուցանում ենք  ոչ  միայն   հայկական, այլև  եվրոպական  ուտեստների   պատրաստում: Բացի  ուտեստների  պատրաստումից,  մենք  նրանց  ներկայացնում  ենք    խոհարարության  զարգացման   փուլերը,  տարբեր ճաշերի  առաջացման  պատմությունը, ինչպես  նաև ուտեստների պատրաստման  գաղտնիքները, խոսում էթիկայի, էսթետիկայի  և   սանիտարահիգիենիկ   պայմանների  մասին»,-մասնավորապես  ասել   է  Ա. Սարգսյանը:
Խոսելով  ֆրանսահայ  խոհարարների կողմից  անցկացվող  վարպետության  դասերի   մասին՝   Ա. Սարգսյանն  նաև ասել  է, որ   ուսումնարանի     աշկերտների  համար  մեծ   պատիվ  է   շփվել  և  դասեր  քաղել   ֆրանսահայ  հայտնի   շեֆ  խոհարարից:
Ա.  Ալեքսանյանը   ցույց է  տալիս, թե  ինչպես  կարելի  է   բնամթերքը    նոր  ձևով   մատուցել՝  հիմքում   պահպանելով  հայկականը:
Ուսումնարանի    աշկերտ, դասընթացներին  մասնակից   Աննա  Կարապետյանի  խոսքով՝    ինքը  փոքրուց  սիրել  է  զբաղվել    խոհարարությամբ,  և  իմանալով, որ  Շուշիում   բացվել  է  հասարակական  սնունդ   բաժին,  նա   որոշել  է  ուսումնասիրել  ոլորտը:
«Եթե  ուսումնասիրենք  հայկական  խոհանոցը,  կարող  ենք  ասել, որ      այստեղ հիմանակնում    շատ  է  օգտագործվում   մսամթերք  և  հացահատիկեղեն, իսկ     եվրոպական    երկրների   խոհանոցներում    սննդակարգն  ավելի    բազմազան  է:  Շփվելով   Ա.  Ալեքսանյանի  հետ՝   բացայտում  ենք  խոհանոցային  գաղտնիքները  և  ավելի ենք  սիրում  մեր  մասնագիտությունը»,-նշել  է  աշկերտը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Հայկական երկու հանրապետությունների ղեկավարներն այցելել են հանրապետության հյուսիսային սահմանագիծ

Search