ՍՏԵՓԱՆԱԿԵՐՏ, 20 հուլիսի, ԱՐՑԱԽՊՐԵՍ: Ժամը 9:00-ին «Պատմական միջավայրի պահպանության պետական ծառայություն» ՊՈԱԿ-ի, Հադրութի շրջվարչակազմի աշխատակազմի մշակույթի և երիտասարդության հարցերի բաժնի ու Հադրութի քաղաքապետարանի նախաձեռնությամբ «Տյաք» պետական պատմամշակութային արգելոցի տարածքում «Մաքուր Հադրութ» խորագրի ներքո կանցկացվի շաբաթօրյակ:

Ժամը 10:00-ին «Արմատներ» կենսակենտրոնում («The Roots») «4 պլյուս» վավերագրական լուսանկարչության կենտրոնի կողմից կշարունակվի լուսանկարչության չորսօրյա դասընթացը, որը նախատեսված է լուսանկարչության ոլորտում իրենց առաջին քայլերն անող լուսանկարիչների և լուսանկարչությամբ հետաքրքրված անձանց համար: Դասընթացին մասնակիցները կծանոթանան լուսանկարչության հիմնարար սկզբունքներին:

Ժամը 11:00-ին Ճարտարի Սևակ Ղուկասյանի անվան մշակույթի պալատում տեղի կունենա հանդիսավոր միջոցառում` նվիրված քաղաքի 5-ամյակին: 

Ժամը 16:00-ին «Արմատներ» կենսակենտրոնում («The Roots») տեղի կունենա «Քո ստեղծած գրքով դեպի մեծ հեքիաթ» ծրագրի շնորհանդեսը: Այն «Awesome Artsakh Foundation»-ի հերթական նախագծերից է, որն իրականացվել է Մարտունու շրջանի Նորշեն գյուղում: Միջոցառմանը կներկայացվեն նաև երեխաների ձեռագործ զարդերը: Մուտքն ազատ է:

Ժամը 16:00-ին ԱՀ 2019 թ.-ի մրցաշրջանի ֆուտբոլի առաջնության շրջանակներում Մարտակերտի մարզադաշտում տեղի կունենա Միջնաբերդ (Քարվաճառ)-Դիզակ (Հադրութ) ֆուտբոլային հավաքականների հանդիպումը:

Ժամը 18:00-ին Մարտակերտի մարզադաշտում կհանդիպեն Ջրաբերդ (Մարտակերտ)-Երազանք (Ստեփանակերտ) ֆուտբոլային թիմերը:

Ժամը 18:00-ին Ասկերանի մարզադաշտում տեղի կունենա Քիրս (Շուշի)-Բերդ (Ասկերան) ֆուտբոլային խաղը:

Ժամը 18:00-ին «Արմատներ» կենսակենտրոնում («The Roots») երեխաների համար կկազմակերպվի կավագործության վարպետաց դաս:

Ժամը 18:00-ին «Վալլեքս Գարդեն» հյուրանոցային համալիրում Հայաստանի երգի պետական թատրոնի սաները և «Պար առանց սահմանների» փառատոնի մասնակիցները հանդես կգան երաժշտական ծրագրով: Համերգը նվիրված է հանքագործի և մետալուրգի օրվան:

Ժամը 20:00-ին «Վալլեքս Գարդեն» հյուրանոցային համալիրում կշարունակվի «Պար առանց սահմանների» մրցույթ-փառատոնը:

Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերում, ֆեյսբուքում, ինստագրամում և յութուբի ալիքում:

 

«Արցախպրես» լրատվական գործակալությունն ամեն օր ներկայացնում է Արցախում տեղի ունեցող իրադարձությունների անոնսը: Շահագրգիռ անձանց հրավիրում ենք համագործակցության: Միջոցառումների մասին տեղեկատվություն կարող եք փոխանցել մեր էլեկտրոնային հասցեի (info@artsakhpress.am) կամ ֆեյսբուքյան էջի միջոցով: