Artsakhpress

Հասարակական

Հուլիսի 21-ին սպասվող իրադարձությունները. Անոնս

«Արցախպրես» լրատվական գործակալությունը ներկայացնում է այսօր սպասվող իրադարձությունները:

Հուլիսի 21-ին սպասվող իրադարձությունները. Անոնս

Հուլիսի 21-ին սպասվող իրադարձությունները. Անոնս
ՍՏԵՓԱՆԱԿԵՐՏ, 21 հուլիսի, ԱՐՑԱԽՊՐԵՍ: Ժամը 10:00-ին «Արմատներ» կենսակենտրոնում («The Roots») «4 պլյուս» վավերագրական լուսանկարչության կենտրոնի կողմից կշարունակվի վավերագրության լուսանկարչության դասընթացը, որը նախատեսված է լուսանկարչության ոլորտում իրենց առաջին քայլերն անող լուսանկարիչների և լուսանկարչությամբ հետաքրքրված անձանց համար: Դասընթացին մասնակիցները կծանոթանան լուսանկարչության հիմնարար սկզբունքներին:
Ժամը 10:00-ին Մարտակերտի շրջանի Ծմակահող համայնքում «Որոշում» քաղաքացիական նախաձեռնություն ՀԿ-ի կողմից կկազմակերպվի միջոցառում` նվիրված խորհրդային հրթիռաշինության հիմնադիր, ծնունդով Ծմակահողից, ակադեմիկոս Անդրանիկ Իոսիֆյանի ծննդյան օրվան: Միջոցառմանը տեղի կունենա նաև «Ծմակահողի պատանի բնագետների ամառային դպրոց-ճամբար»-ի փակման հանդիսավոր արարողությունը:
Ժամը 12:00-ին Ստեփանակերտի օդանավակայանում STR ակումբի և Արցախի Ավտոմոտոֆեդերացիայի կողմից առաջին անգամ կկազմակերպվի «Drag Racing Artsakh 2019» մրցաշարը: Մուտքն ազատ է:
Ժամը 12:30-ին Շուշիի «Նարեկացի» արվեստի միության «Հեքիաթների տանը» կմեկնարկեն խեցեգործության դասընթացներ:
Ժամը 18:00-ին ԱՀ 2019 թ.-ի մրցաշրջանի ֆուտբոլի առաջնության շրջանակներում Մարտունու «Ավագյան Արենա» մարզադաշտում տեղի կունենա Բերդ (Ճարտար)-Գանձասար (Վանք) ֆուտբոլային թիմերի հանդիպումը:
Ժամը 18:00-ին Ստեփանակերտի Ստեփան Շահումյանի անվան հանրապետական մարզադաշտում տեղի կունենա Ա-21 (Ստեփանակերտ)-Բերձոր (Քաշաթաղ) ֆուտբոլային խաղը:
Ժամը 20:00-ին «Վալլեքս Գարդեն» հյուրանոցային համալիրում տեղի կունենա «Պար առանց սահմանների» մրցույթ-փառատոնի փակման հանդիսավոր արարողությունը:
Այս և այլ թեմաների մասին առավել մանրամասն կարող եք ընթերցել artsakhpress.am կայքում: Հետևեք մեզ նաև թվիթերումֆեյսբուքումինստագրամում և յութուբի ալիքում:
 
«Արցախպրես» լրատվական գործակալությունն ամեն օր ներկայացնում է Արցախում տեղի ունեցող իրադարձությունների անոնսը: Շահագրգիռ անձանց հրավիրում ենք համագործակցության: Միջոցառումների մասին տեղեկատվություն կարող եք փոխանցել մեր էլեկտրոնային հասցեի (info@artsakhpress.am) կամ ֆեյսբուքյան էջի միջոցով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Search