Artsakhpress

Հասարակական

50 տարի առաջ մարդը ոտք դրեց Լուսնի վրա

Հուլիսի 20-ին ավելի քան 70 երկիր նշում է Լուսնի վրա մարդու վայրէջքի 50-ամյակը:

ՍՏԵՓԱՆԱԿԵՐՏ, 20 հուլիսի, ԱՐՑԱԽՊՐԵՍՆախատեսվում են բազմաթիվ և բազմատեսակ միջոցառումներ` փառատոններ, ֆիլմի դիտումներ, ցուցահանդեսներ, դասախոսություններ և այլն, փոխխանցում է Panorama.am-ը:

Աստղադիտարանից հայտնում են, որ  ԳԱԱ Վ. Համբարձումյանի անվան Բյուրականի աստղադիտարանն անմասն չի մնում այս մեծ իրադարձությունից և նույնպես նախատեսում է ծրագիր՝ Հայաստանը Միջազգային աստղագիտական միության՝ Լուսնին նվիրված միջոցառումների արշավի մասը դարձնելով՝ 

50 տարի առաջ՝ 1969թ-ի հուլիսի 20-ին, մարդն առաջին անգամ ոտք դրեց Լուսնի վրա:
ՆԱՍԱ-ն իր «Ապոլլոն 11» ծրագրով Լուսնի վրա իջեցրեց Նիլ Արմսթրոնգին և Էդվին Օլդրինին:

Նիլ Արմսթրոնգն (ամերիկացի տիեզերագնաց, ռազմածովային օդաչու) առաջինն էր, որ ոտք դրեց Լուսնի մակերևույթի վրա: Երբ Արմսթրոնգը երկու ոտքով կանգնեց մակերևույթին, հենց այդ պահին հնչեցին երկրային մարդու առաջին բառերը.
«Սա մի փոքր քայլ էր մարդու համար, բայց մի մեծ ցատկ ողջ մարդկության համար»:

Ելնելով անվտանգության նկատառումներից՝ անհրաժեշտ էր ամուր և զգույշ կանգնել ոտքերի վրա, որովհետև Lուսնի շատ փոքր ձգողականության պատճառով քայլելը չափազանց դժվար էր, իսկ ընկնելու հավանականությունը՝ մեծ։

Լուսնի մակերևույթի վրա անցկացնելով մոտ 2 ժամ՝ աստղագնացները հավաքեցին 22կգ լուսնային նյութեր Երկիր բերելու համար: Նրանք Լուսնի վրա տեղադրեցին ԱՄՆ դրոշը, սեյսմաչափ և այնպիսի սարքեր, որոնց միջոցով հնարավոր կլիներ ավելի ճշգրիտ չափել Երկրից Լուսին հեռավորությունը:
Հուլիսի 24-ին անձնակազմը վերադարձավ Երկիր՝ վայրէջք կատարելով Խաղաղ օվկիանոսում՝ հաշվարկային կետից 24կմ հեռավորության վրա:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

Վանեցյանն անդրադարձել է իր հրաժարականին և հետագա անելիքներին

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Ստեփանակերտի որոշ փողոցներում ժամանակավորապես կդադարեցվի գազամատակարարումը

Ադրբեջանն ու Ռուսաստանը ներկայացնող ըմբիշների մարտը սկանդալով է ավարտվել. տեսանյութ

Եթե Ադրբեջանը ԼՂ հարցում կատեգորիկ է, մենք էլ կասենք` Արցախը Հայաստանն է ու վերջ. Փաշինյան

Կանցկացվեն աննախադեպ ծավալներով ռազմավարական զորավարժություններ

Ֆինանսների նախարարությունը թափուր պաշտոնների բաց և փակ մրցույթներ է հայտարարել

Search