ՍՏԵՓԱՆԱԿԵՐՏ, 20 հուլիսի, ԱՐՑԱԽՊՐԵՍ:  Այս ցուցանիշով Թուրքիան, բնականաբար, գլխավորում է գերմանական սպառազինության գնորդների ցուցակը, գրում է  SHANTNEWS.am լրատվական կայքը:

Սա այն դեպքում, երբ Թուրքիայում հեղաշրջման անհաջող փորձից հետո Գերմանիայի իշխանություններն ընդհանրապես արգելել էին զենք արտահանել Թուրքիա։ Պատճառն այն էր, որ Թուրքիայի իշխանությունները կեղծ մեղադրանքով բռնաճնշումներ էին իրականացնում այդ ժամանակ, և գերմանական իշխանությունները չէին կարող թույլ տալ, որ իրենց արտադրած սպառազինությունն օգտագործվի այդ գործում։

Սակայն այս տարվա արտահանումները դեռ 2009 թվականին ստորագրված պայմանագրերի հիման վրա են կատարվել։ Այդ սպառազինության մեծ մասն այն տեխնիկան է, որը գերմանական ընկերությունները Թուրքիա են արտահանել թուրքական նավատորմի համար ռազմանավերի համատեղ արտադրության համար։ Այս մասին Գերմանիայի խորհրդարանի պատգամավորների հարցմանն ի պատասխան հայտնել են Գերմանիայի տնտեսական հարաբերությունների և էներգետիկայի նախարարությունից։

Այս պատասխանը, սակայն, մեկ այլ դժգոհության առիթ է տվել․ բանն այն է, որ եթե Թուրքիան Գերմանիայի օգնությամբ կառուցում է ռազմանավեր, ապա գերմանական կողմը կիսում է մեղավորությունը, որ Թուրքիան կարող է ռազմական ճնշում գործադրել ԵՄ անդամ Կիպրոսի վրա։

Նախարարության պատասխանից նաև հայտնի է դարձել, որ երկրի իշխանություններն այս տարի փաստացի հրաժարվել են իրենց պատժամիջոցներից։ Պատասխանում նշվել է, որ նախորդ տարվա ընթացքում Գերմանիան արտոնագրեր է տվել 12,9 միլիոն եվրոյի սպառազինությունը Թուրքիա արտահանելու համար։ Իսկ այս տարվա սկզբից մինչև հունիս ընկած ժամանակահատվածում այդ արտոնագրերով թույլ է տրվել 23,3 միլիոն եվրոյի արտահանում։