Հոլիվուդյան 61-ամյա դերասանուհի Շերոն Սթոունը գլխուղեղի կաթվածից հետո յոթ երկար ու ձիգ տարիներ է անցկացրել վերականգնվելու համար։
Շերոն Սթոունը գլխուղեղի կաթվածից հետո իրեն համեմատել է արքայադուստր Դիանայի հետ
«Ինձանից երես թեքեցին իմ ամենամտերիմ մարդիկ»,- խոստովանել է Շերոն Սթոունը:
Այժմ դերասանուհին միջոցառումներ է կազմակերպում՝ կանանց գլխուղեղի կաթվածի թեմայով կրթելու համար:
Սթոունը տարիներ առաջ համառում էր օգնության դիմել, նա չորս օր անընդմեջ հանդուրժել էր գլխացավերը, մինչև որ նրան շտապօգության մեքենայով տեղափոխել էին հիվանդանոց, որտեղ հայտնել էին, որ նրա ապրելու հավանականությունը մեկ տոկոս է:
«Ես կորցրել եմ ամեն ինչ: Ժամանակին ամենակրքոտ դերասանուհին էի: Սա կարծես նման լինի արքայադուստր Դիանայի պատմությանը: Ես հայտնի էի, ինչպես և նա, իսկ հետո նա մահացավ, իսկ ես գլխուղեղի կաթված տարա, ինչից հետո մենք մոռացվեցինք»,- Variety-ին տված հարցազրույցում հայտնել է դերասանուհին: