Artsakhpress

Հասարակական

Շերեմետևոյից Մոսկվա–Երևան չվերթով մեկնող ինքնաթիռն ամբողջովին սարքին է ճանաչվել

Միջադեպից մեկ օր անց ինքնաթիռը սկսել է նորից չվերթներ իրականացնել դեպի Սոչի, Յակուտսկ, Ֆերգանա ու Սիմֆերոպոլ:

Շերեմետևոյից Մոսկվա–Երևան չվերթով մեկնող ինքնաթիռն ամբողջովին սարքին է ճանաչվել

Շերեմետևոյից Մոսկվա–Երևան չվերթով մեկնող ինքնաթիռն ամբողջովին սարքին է ճանաչվել
ՍՏԵՓԱՆԱԿԵՐՏ, 22 հուլիսի, ԱՐՑԱԽՊՐԵՍՄոսկվայի «Շերեմետևո» օդանավակայանից  Մոսկվա-Երևան չվերթով մեկնող Nordwind Airlines ավիաընկերության Boeing 737 ինքնաթիռն ամբողջովին սարքին է ճանաչվել։ Armeniasputnik.am-ի փոխանցմամբ, այս մասին հայտնում է «Մոսկվա» քաղաքային նորությունների գործակալությունը` հղում անելով Nordwind Airlines-ի մամուլի ծառայությանը։
«Տեխնիկական անսարքություններ չեն հայտնաբերվել: Միջադեպից մեկ օր անց ինքնաթիռը սկսել է նորից չվերթներ իրականացնել դեպի Սոչի, Յակուտսկ, Ֆերգանա ու Սիմֆերոպոլ»,-ասել են մամուլի ծառայությունում։
Նշվում է, որ օդանավն ավիաընկերության պարկում ամենանորն է: Այն ստացել են անմիջապես Boeing–ի գործարանից՝ 2018 թվականի սեպտեմբերին՝ տեխնիկապես անթերի վիճակում։
«Տարհանման ընթացքում երկու ուղևոր են հիվանդանոց տեղափոխել. մեկի մոտ սրունքի վնասվածք է եղել, մյուսը շաքարային դիաբետ է ունեցել։ Փոխհատուցման հարցը յուրաքանչյուրի հետ անհատական կարգով կլուծվի»,–ավելացրել են մամուլի ծառայությունում։
Հիշեցնենք, որ միջադեպը տեղի է ունեցել հուլիսի 18-ի լույս 19-ի գիշերը. Մոսկվայի «Շերեմետևո» օդանավակայանում Nordwind Airlines ավիաընկերության՝ Մոսկվա-Երևան չվերթն իրականացնող Boeing 737 ինքնաթիռն ընդհատել է թռիչքը, որովհետև օդաչուների խցիկում միացել է ծխի ազդանշանը։ 
Մոսկվայի միջտարածաշրջանային տրանսպորտային դատախազության հրապարակած հաղորդագրության համաձայն` ինքնաթիռը թափավազքի փուլում ընդհատել է թռիչքը ժամը 00։55–ին։

Քաղաքացիական ավիացիայի կոմիտեի մամուլի ծառայությունը հայտնել էր, որ «Nordwind Airlines» ավիաընկերության ինքնաթիռում եղել է 187 մարդ։ ՌԴ ԱԻՆ տվյալների համաձայն` տարհանման ընթացքում ութ մարդ է տուժել։

Ավելի վաղ "РЕН ТВ"-ն հրապարակել էր տարհանման ընթացքում հրմշտոցի հետևանքով  տուժածների ցանկը` Մելսիկ Ն.,  Ղահրամանյան Վ., Մարցինովսկայա Վ., Հարությունյան Ա., Աթանյան Տ.։


     

Ռազմական

Հասարակական

Տնտեսական

Ամենադիտված

ամիս

շաբաթ

օր

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Թուրք ցեղասպանագետ. Պատմական օր է ոչ միայն հայերի, այլև Թուրքիայի ժողովրդի համար

Նախագահը կոնկրետ հանձնարարականներ է տվել ճանապարհային երթեւեկության անվտանգության խնդիրները կարգավորելու համար

Ստեփանակերտի շուրջ 25 փողոցներում կառուցվելու է երթևեկության արհեստական անհարթություններ. նախարար

Արցախցի մարզիկներն արժանացել են ոսկե մեդալների

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Բակո Սահակյանն օրենքներ է ստորագրել

Առաջիկա օրերի եղանակն Արցախում

Search