Artsakhpress

Հասարակական

Ամենայն Հայոց Կաթողիկոսը հյուրընկալել է Ավստրալիայի Նոր Հարավային Ուելս նահանգի վարչապետին

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հուլիսի 22-ին հյուրընկալել է Ավստրալիայի Նոր Հարավային Ուելս նահանգի վարչապետ Գլեդիս Բերեջիկլյանին:

Ամենայն Հայոց Կաթողիկոսը հյուրընկալել է Ավստրալիայի Նոր Հարավային Ուելս նահանգի վարչապետին

Ամենայն Հայոց Կաթողիկոսը հյուրընկալել է Ավստրալիայի Նոր Հարավային Ուելս նահանգի վարչապետին
ՍՏԵՓԱՆԱԿԵՐՏ, 22 հուլիսի, ԱՐՑԱԽՊՐԵՍ«Ֆեյսբուք» սոցիալական ցանցի իր էջում Մայր Աթոռը տեղեկացնում է, որ Հայոց Հայրապետը վերստին շնորհավորել է Գլեդիս Բերեջիկլյանին ընտրություններում արձանագրած հաղթանակի կապակցությամբ` բարձր գնահատելով նրա գործունեությունն ի նպաստ Ավստրալիայի Նոր Հարավային Ուելս նահանգի և կարևոր դերակատարությունը հայ համայնքի կյանքում: Նորին Սրբությունը նաև գոհունակությամբ անդրադարձել է 2019թ. փետրվարին Ավստրալիայի և Նոր Զելանդիայի Հայոց թեմ կատարած հովվապետական այցի ընթացքում Գլեդիս Բերեջիկլյանի կողմից ցուցաբերած ջերմ ընդունելությանը, ուրախությամբ փաստել է հայ համայնքի կյանքում տեղ գտած դրական փոփոխություններն ու առաջընթացը:
Գլեդիս Բերեջիկլյանն իր հերթին ուրախություն է հայտնել մասնավոր այցով Հայաստանում գտնվելու և Մայր Աթոռ Սուրբ Էջմիածին այցելելու կապակցությամբ` մասնավորապես, Նորին Սրբությանը ներկայացնելով այցից ստացած իր տպավորությունները:
Զրույցի ընթացքում Ամենայն Հայոց Կաթողիկոսը և Գլեդիս Բերեջիկլյանը խոսել են Ավստրալիայի հայ համայնքի, սփյուռքի առջև ծառացած մարտահրավերների և հայապահպանության խնդիրների մասին: Անդրադարձ է կատարվել նաև Հայաստանի և Ավստրալիայի միջև հարաբերությունների ընդլայնման և համագործակցության զարգացման հեռանկարներին:
Հանդիպման ավարտին Ավստրալիայի Նոր Հարավային Ուելս նահանգի վարչապետը ծանոթացել է Միածնաէջ Մայր Տաճարի ամրակայման և հիմնանորոգության աշխատանքների ընթացքին:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Առաջնագծում զինծառայող է զոհվել․ ևս մեկը վիրավոր է

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

«Զինվորի կերպարը շահարկելով փորձում են միավորներ հավաքել». Ղարաբաղ Տելեկոմ

Հայկական երկու հանրապետությունների ղեկավարներն այցելել են հանրապետության հյուսիսային սահմանագիծ

Search