Artsakhpress

Քաղաքական

Սամվել Բաբայանի` ներարցախյան քաղաքական ակտիվությունն օգտագործել սահմանադրական կարգը խաթարելու համար, դավաճանական կլինի. Արմեն Աշոտյան

«Արցախում Արցախի ժողովուրդը պետք է որոշի իր ապագան` այնպես, ինչպես որոշել է 1988-ին, այնպես, ինչպես որոշել է` ընդունելով Արցախի Սահմանադրությունը»,-Aravot.am-ի հետ զրույցում ասաց ՀՀԿ փոխնախագահ, ԱԺ արտաքին հարաբերությունների հանձնաժողովի նախկին նախագահ Արմեն Աշոտյանն`անդրադառնալով առաջիկայում Արցախում տեղի ունենալիք նախագահական ընտրություններին եւ այդ առիթով առաջացած ներքաղաքական խմորումներին:

Սամվել Բաբայանի` ներարցախյան քաղաքական ակտիվությունն օգտագործել սահմանադրական կարգը խաթարելու համար, դավաճանական կլինի. Արմեն Աշոտյան

Սամվել Բաբայանի` ներարցախյան քաղաքական ակտիվությունն օգտագործել սահմանադրական կարգը խաթարելու համար, դավաճանական կլինի. Արմեն Աշոտյան

ՍՏԵՓԱՆԱԿԵՐՏ, 23 հուլիսի, ԱՐՑԱԽՊՐԵՍՀիշեցնենք, ՊԲ նախկին հրամանատար Սամվել Բաբայանի աջակիցները ստորագրահավաք են նախաձեռնել` Արցախում սահմանադրական փոփոխություններ կատարելու: Նպատակը` Արցախի նախագահի ընտրություններին մասնակցելու համար, Արցախում վերջին տասը տարվա բնակության պարտադիր նորմը փոփոխելն է, որպեսզի Սամվել Բաբայանը հնարավորություն ունենա մասնակցել 2020 թվականին կայանալիք Արցախի նախագահի ընտրություններին: Ստորագրահավաքն արդեն ավարտվել է, փաստաթղթերը հանձնվել են ԿԸՀ, հետագա քննարկումները կշարունակվեն Արցախի գերագույն դատարանում, ապա` խորհրդարանում: Ի դեպ, ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը` Սամվել Բաբայանի համակիրների նախաձեռնած ստորագրահավաքը, իրավական տեսանկյունից, խնդրահարույց էր համարել:

«Իրականում, միայն ուրախ կլինեի, եթե Արցախի ներքաղաքական խնդիրների զարգացումների շուրջ ՀՀ իշխանության եւ մեր, իբրեւ հիմնական ընդդիմադիր ուժի, տեսակետներն ամբողջովին համընկնեին»,- ասաց Արմեն Աշոտյանը` բացատրելով. «Որովհետեւ, անկախ քաղաքական օրակարգի գերակայություններից, կա մշտական խնդիր` Արցախի անվտանգության պահպանության, Արցախի շարունակական ժողովրդավարացման, Արցախի սահմանադրականության զարգացման: Այս ամենի համատեքստում գովելի կլիներ, եթե ՀՀ գործող իշխանությունների տեսակետները թելադրված չլինեին ներհայաստանյան զարգացումների տրամաբանությամբ, եւ ԱԺ պետաիրավական հարցերի հանձնաժողովի նախագահի տեսակետն ամբողջությամբ համահունչ լիներ ՀՀ գործող ղեկավարության տեսակետին»:

Արցախում քաղաքական ջրերը պղտորելու եւ այդ ջրերում ձուկ որսալու մոլուցքը, մեր զրուցակիցը ՀՀ-ի եւ Արցախի ապագայի համար շատ վտանգավոր եւ դավաճանական կհամարի. «Չեմ ցանկանում հավատալ, որ ՀՀ վարչապետի պաշտոնը զբաղեցնող անձն` ի դեմս Նիկոլ Փաշինյանի, կարող է իր քաղաքական հաշվարկների մեջ, մտացածին ղարաբաղյան վտանգները Հայաստանում կանխելու պատրվակով` փորձել օգտագործել Սամվել Բաբայանի ներարցախյան քաղաքական ակտիվությունը` Ղարաբաղի սահմանադրական կարգը, քաղաքական գործընթացների օրինականությունն ու տրամաբանությունը խաթարելու համար: Եթե նման փաստեր լինեն, ես դա առնվազն քաղաքական հանցավոր կարճատեսություն կհամարեմ»: 

Ըստ Արմեն Աշոտյանի, Արցախի ոչ միայն ներկան, այլ նաեւ ապագան, պետք է կերտվի Արցախի բնակիչների քաղաքական կամքով. «Ջուր պղտորելու եւ ձուկ որսալու ցանկությունները կարող են բերել կործանարար հետեւանքների եւ դրա պատասխանատվությունը կկրեն այն ուժերն ու շրջանակները, որոնք կանգնած կլինեն Արցախում սահմանադրականության, կարգուկանոնի խախտման հետեւում: Արցախի ժողովուրդը իմաստուն, քաղաքական առումով ինքնուրույն եւ թելադրանքները մերժող ժողովուրդ է: Հետեւաբար, մեծ վստահություն ունեմ Արցախի ժողովրդի քաղաքական հոտառության եւ իմաստնության հանդեպ: Հայաստանից ցանկացած միջամտություն, բայցի այն գործողություններից, որոնք պետք է ամրացնեն եւ ամրապնդեն Արցախը, կհամարեմ դավաճանական քաղաքականության արտահայտում»: 



     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կենսաթոշակների բարձրացում անպայման լինելու է. ոլորտի պատասխանատու

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 8-ին

Արցախում ստեղծվել է նոր կուսակցություն. կայացել է հիմնադիր համագումարը

«Շատ վիրավորված եմ քեզանից»․ Արայիկ Հարությունյանը՝ Հրանտ Բագրատյանին

Ադրբեջանցի օպերային երգիչը հրաժարվել է հայուհու հետ ելույթ ունենալ էթնիկ պատկանելության պատճառով

Կարմիր շուկայում բազմաբնակարան շենքերի կառուցման աշխատանքներն ընթացքի մեջ են

Հայ-ադրբեջանական սահմանին պայմանագրային զինծառայող է վիրավորվել

Հանրապետությունում շմոլ գազի հետևանքով քաղաքացիներ են թունավորվել. նրանց վիճակը բավարար է

Մեկնարկել է առարկայական օլիմպիադայի քաղաքային փուլը

Search