Artsakhpress

Մշակույթ

Ստեփանակերտի հրապարակում կհնչի Տիգրան Մանսուրյանի երաժշտությունը

Սեպտեմբերի 1-ին` ժամը 20:00-ին, Ստեփանակերտի Վերածննդի հրապարակում կհնչի մաեստրո Տիգրան Մանսուրյանի` բոլոր ժամանակներում սիրված կինոերաժշտությունը` Հայաստանի պետական սիմֆոնիկ նվագախմբի կատարմամբ:

Ստեփանակերտի հրապարակում կհնչի Տիգրան Մանսուրյանի երաժշտությունը

Ստեփանակերտի հրապարակում կհնչի Տիգրան Մանսուրյանի երաժշտությունը
ՍՏԵՓԱՆԱԿԵՐՏ, 7 օգոստոսի, ԱՐՑԱԽՊՐԵՍ: Հայ կոմպոզիտոր, ՀԽՍՀ ժողովրդական արտիստ, արվեստի վաստակավոր գործիչ, մաեստրո Տիգրան Մանսուրյանն այս տարի դարձել է 80 տարեկան: Այդ առթիվ կկազմակերպվի մանսուրյանական համերգաշար, որի մեկնարկը տրվելու է Արցախից:
«Արցախպրես»-ի թղթակցի հաղորդմամբ` այսօր ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը Երևանի փոխքաղաքապետ Տիգրան Վիրաբյանի հետ քննարկել է Արցախում մանսուրյանական օրերի կազմակերպմանը վերաբերող մի շարք հարցեր:
Իր խոսքում ԱՀ ՄԵՀԶ նախարար Լեռնիկ Հովհաննիսյանն ասել է, որ արցախցիներն անհամբեր սպասում են մանսուրյանական օրերին, և հատկանշական է, որ մեկնարկը տրվում է Արցախից ու ավարտվելու է Գյումրիում:
«Սա ցույց է տալիս այն միասնականությունը, որը առկա է մեր ժողովրդի մեջ: Մշակույթը միավորում է մեզ բոլորիս, և այսօր մենք միասնական մշակութային դաշտի ստեղծման ճանապարհին ենք»,- նշել է Լ. Հովհաննիսյանը:
Իր հերթին Երևանի փոխքաղաքապետ Տիգրան Վիրաբյանն ասել է, որ համերգաշարն Արցախից սկսելու պատճառները շատ օբյեկտիվ են. երևանցիների և մաեստրոյի սերը անչափելի է Արցախի հանդեպ:
«Վստահ եմ` համերգաշարի ընթացքում կարողանալու ենք Տիգրան Մանսուրյանին ներկայացնել լավագույնս: Արցախում միջոցառումները կմեկնարկեն օգոստոսի 30-ին:  Զորամասերց մեկում տեղի կունենա սպարապետ Վազգեն Սարգսյանի 60-ամյակին նվիրված հոբելյանական երեկո, որտեղ կհնչեն մաեստրոյի ստեղծագործությունները: Այնուհետև օգոստոսի 31-ին` ժամը 19:30-ին, Ստեփանակերտի մշակույթի և երիտասարդության պալատում կհնչի Ավետիք Իսահակյանի և Եղիշե Չարենցի տեքստերով մանսուրյանական երաժշտություն` Հայաստանի պետական կամերային երգչախմբի մասնակցությամբ: Սա նույնպես մաեստրոյի ցանկությունն է, որպեսզի մեծանուն երկու հայ գրողների տողերով գրված ստեղծագործությունները ներկայացնենք արցախցի հանդիսատեսին»,- մասնավորապես նշել է Տ. Վիրաբյանը:
Երևանի փոխքաղաքապետը ցանկություն է հայտնել ավանդույթ ձևավորելու, որպեսզի տարեկան մի քանի անգամ մշակութային ծրագրերով Արցախում հանդես գալու առիթ ստեղծվի:
ԱՀ ՄԵՀԶ նախարարը ողջունել է առաջարկը և իրականացվելիք ծրագրերին աջակցելու պատրաստակամություն հայտնել:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -48-:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Լուսանկարներ. ՀՀ ԶՈւ-երը խոցել են հայկական դիրքերը գրոհող ադրբեջանական «ՈՒԱԶ»-ը. Banakinfo

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search