Artsakhpress

Տնտեսական

Մատաղիսում տրվեց Արցախի ամենախոշոր տնտեսական նախագծի մեկնարկը (տեսանյութ)

Մատաղիսում տրվել է ավելի քան 100 միլիոն ԱՄՆ դոլար արժողությամբ ներդրումային ծրագրի մեկնարկը, որն իրականություն է դառնալու օտարերկրյա ներդրողների միջոցներով, ԱՀ նախկին վարչապետ Արայիկ Հարությունյանի առաջարկով: Այնտեղ կկառուցվի Թարթառի աջափնյա ջրանցքը, որը կանոնավոր ոռոգովի կդարձնի շուրջ 10 հազար հեկտար հողատարածք:

ՍՏԵՓԱՆԱԿԵՐՏ, 9 օգոստոսի, ԱՐՑԱԽՊՐԵՍ: ‹‹Արցախպրես››-ի թղթակցի հետ զրույցում ‹‹Արցախ ՀԷԿ›› ԲԲԸ տնօրենների խորհրդի նախագահ Արայիկ Հարությունյանն ասել է, որ ծրագրի շրջանակներում կառուցվելու են 2 խոշոր և 2 փոքր ջրամբարներ և 5 հիդրոէլեկտրակայաններ՝ ընդհանուր առմամբ 200 միլիոն ԿՎտ/ժ էլեկտրաէներգիայի արտադրությամբ:
‹‹Ջրանցքը կհասնի Թարթառի աջափնյա հատված՝ ոռոգելով ավելի քան 10000 հա սեփականաշնորհված հողատարածք Մարտակերտի, Ասկերանի և Մարտունու շրջաններում: Մեր ամենամեծ հողային ռեսուրսները, որտեղ տեղումների քանակը տարեկան շատ քիչ է և որը կարող է շատ մեծ արդյունք տալ, հենց այդ հողատարածքներն են, որտեղ նախատեսվում է զարգացնել այգեգործությունը:
Եթե ընդհանուր առմամբ առաջիկա 5-7 տարիներին մեզ հաջողվի 10000 հա նոր այգի տնկել, ապա այն թույլ կտա համախառն մրգի արտադրանքը հասցնել ավելի քան 200.000 տոննայի, որն էլ իր հերթին տասնյակ վերամշակող գործարանների ստեղծման շարժառիթ է հանդիսանալու: Առանց այս նախագծի դա թերևս անհնարին կլիներ››,- նշել է Ա. Հարությունյանը:
Նրա խոսքով՝ ծրագրի իրականացման արդյունքում միայն էներգետիկ ոլորտում կստեղծվի ավելի քան 150 նոր աշխատատեղ:
Անդրադառնալով նախագծի քաղաքական կողմին՝ Ա. Հարությունյանն ասել է, որ տարիներ ի վեր Արցախի իշխանությունները թե՛ հրապարակավ և թե՛ ԵԱՀԿ Մինսկի խմբի համանախագահների միջոցով դիմել են Ադրբեջանի իշխանություններին՝ Սարսանգի ջրերը համատեղ օգտագործելու առաջարկով, քանի որ նախկին ջրանցքի մի ամբողջական հատված ներկայումս գտնվում է ադրբեջանական զորքերի կողմից օկուպացված տարածքներում: Առաջարկը, սակայն, մշտապես մերժվել է: Նախագծի իրականացմամբ, ըստ Ա. Հարությունյանի, խնդիրը ստանալու է վերջնական լուծում, և հարցի շուրջ Բաքվի իշխանությունների հետ այլևս քննարկման խնդիր չի լինելու:
Իսկ ներդրող՝ «Մ.Էներգո-Լ» ընկերության ներկայացուցիչ Ալեքսանդր Մամունցն ասել է, որ հողատարածքները ոռոգովի դարձնելը իրականություն կդառնա երկուս ու կես տարի հետո, իսկ համալիր ծրագրի իրագործումը կտևի 4 տարի:
‹‹Այս պահին մասնագետներն ուսումնասիրում են ջրանցքի կառուցման հնարավորությունները: Ռելիեֆային որոշակի դժվարություններ կան, քանի որ ջուրը պետք է անցնի սարերի միջով: Ներկայումս իրականացվում են նախագծային աշխատանքներ››,- նշել է Ա. Մամունցը:
Հիշեցնենք, որ դեռևս անցած տարվա նոյեմբերի 13-ին Արայիկ Հարությունյանը ֆեյսբուքյան իր էջում գրել էր, որ Եվրոպա կատարած այցի ընթացքում ներդրողների հետ ինտենսիվ քննարկումներից հետո պլանավորվել է իրականացնել ավելի քան 100 մլն ԱՄՆ դոլար արժողությամբ ներդրումային ծրագիր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -19-:
Տեսանյութը՝ Արայիկ Հարությունյանի ֆեյսբուքյան էջից

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ՏԻՄ ընտրությունների քվեարկությանը մասնակցել է ընտրողների 65,4 %-ը. նոր մանրամասներ ընտրված թեկնածուների մասին

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Ընտրախախտումների վերաբերյալ նոր հաղորդումներ են ստացվել

ԱՀ չորս համայնքներում առաջադրված թեկնածուների համար կիրականացվի վիճակահանություն. Եղիշե Արզումանյան

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Հայաստանում գրանցված երկրաշարժի էպիկենտրոնում ստորգետնյա ցնցման ուժգնությունը կազմել է 6-7 բալ

Search