Artsakhpress

Հասարակական

Կարեն Սարգսյանը Գետավանի դպրոցականներին նվիրաբերել է պայուսակներ և դպրոցական պարագաներ

«Արարիչ» բարեգործական հիմնադրամի հոգաբարձուների խորհրդի նախագահ, բարերար Կարեն Սարգսյանի սեփական նախաձեռնությամբ և հովանավորությամբ օգոստոսի 9-ին Մարտակերտի շրջանի Գետավան համայնքի Պավել Մարտիրոսյանի անվան դպրոցի աշակերտներին տրամադրվել են պայուսակներ և գրենական պիտույքներ:

Կարեն Սարգսյանը Գետավանի դպրոցականներին նվիրաբերել է պայուսակներ և դպրոցական պարագաներ

Կարեն Սարգսյանը  Գետավանի  դպրոցականներին  նվիրաբերել է պայուսակներ և դպրոցական պարագաներ
ՍՏԵՓԱՆԱԿԵՐՏ, 10 օգոստոսի, ԱՐՑԱԽՊՐԵՍ: «Արցախպրեսի» թղթակցի հաղորդմամբ՝ Կարեն Սարգսյանը Գետավանում հանդիպել է համայնքի ղեկավարության հետ և աշակերտներին անձամբ հանձնել պայուսակներն ու գրենական պիտույքները՝ մաղթելով նրանց ուսման մեջ հաջողություններ ու նորանոր ձեռքբերումներ:
Նա նաև նշել է, որ այսօրվա սերունդն է Արցախի ապագան ու նրա ճակատագրի տնօրինողը և վստահեցրել, որ միայն գիտելիք ստանալով կկարողանան հասնել իրենց նպատակներին ու կառուցել նախնիների երազած հայրենիքը:
Մեզ հետ զրույցում Կարեն Սարգսյանն ասել է, որ ձգտում է հնարավորության չափ աջակցել իր համագյուղացիներին և լուծել համայնքում ծագած խնդիրները:Նա նշել է նաև, որ նմանատիպ ծրագրերը կկրեն շարունակական բնույթ:
Գետավան համայնքի ղեկավար Արարատ Մառլենի Զաքարյանն ամբողջ համայնքի անունից շնորհակալություն է հայտնել Կարեն Սարգսյանին և նշել, որ բարերարի կողմից գյուղում իրականացվել են նաև մի շարք այլ ծրագրեր:
«Գետավան համայնքը հիմնադրվել է 1956 թվականին: Նախկինում այստեղ միայն փայտամշակման կոմբինատ է եղել, որի շուրջ կառուցվել են տնակներ, այնուհետև ժամանակի ընթացքում այն վերածվել է բնակավայրի: 1980-ական թվականներին արդեն ստացել է գյուղի կարգավիճակ: Այժմ այն ունի 400 բնակիչ: Հիմնականում համայնքի բնակչությունը զբաղվում է անասնապահությամբ և գյուղատնտեսությամբ: Այսօր գյուղն ունի դպրոցի վերակառուցման, հիվանդանոցի և մանկապարտեզի շենքերի կառուցման կարիք: Դպրոցում սովորում է 73 աշակերտ: Արմատներով Գետավանից Կարեն Սարգսյանը մեր գյուղի միակ բարերարն է և բազմիցս իր օգնությունն է ցուցաբերել համայնքին: Նրա կողմից գյուղում կառուցվել է նաև Արցախյան պատերազմի նահատակներին նվիրված հուշարձան»,-մասնավորապես ասել է նա:
Մեզ հետ զրույցում դպրոցի 4-րդ դասարանի աշակերտուհի Հայկուհի Աբրահամյանը շնորհակալություն է հայտնել բարերարին՝ իր ծնողների հոգսը ինչ-որ չափով թեթևացնելու համար: Նա նշել է, որ ընտանիքի 10 երեխաներից 6-րդն է և իր հետ տուն է տանելու նաև բարձր դասարաններում սովորող իր եղբայրների հասանելիք գրենական պիտույքները, քանի որ նրանք օգնում էին ծնողներին և չկարողացան ներկայանալ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -20-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Մոսկվայում հողին հանձնեցին լեգենդար հետախույզ Գոհար Վարդանյանին. տեսանյութ

Առաջնագծում զինծառայող է զոհվել․ ևս մեկը վիրավոր է

Հակառակորդի կրակոցից հրազենային վիրավորում է ստացել պայմանագրային զինծառայող

Նիկոլ Փաշինյանը և Բակո Սահակյանը հանդիպել են Արցախի նախագահական ընտրություններին իրենց թեկնածությունն առաջադրող գործիչների հետ

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

Search