2019թ.-ի հունվար-հունիսին առևտրի շրջանառությունը, ընթացիկ գներով, կազմել է 59.5 մլրդ դրամ:
Առաջին կիսամյակում առևտրի շրջանառությունը կազմել է 59.5 մլրդ դրամ
ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ օգոստոսի 13-ին կայացած մամուլի ասուլիսի ժամանակ ասել է ԱՀ Ազգային վիճակագրական ծառայության նախագահ Մանուշ Մինասյանը՝ մանրամասնելով, որ 2018թ.-ի նույն ժամանակաշրջանի համապատասխան ցուցանիշի նկատմամբ, համադրելի գներով, աճել է 9 %-ով:
«2019թ. հունվար-հունիսին մեկ բնակչի հաշվով մանրածախ առևտրի շրջանառությունը կազմել է 363.4հազ. դրամ, անցյալ տարվա նույն ժամանակաշրջանի 332.3 հազ.դրամ փոխարեն:Մանրածախ առևտրաշրջանառության 75 %-ը բաժին է ընկել Ստեփանակերտին»,- նշել է Մ. Մինասյանը:
Նրա խոսքով՝ 2019թ. հունվար-հունիսին հանրապետությունում ծառայությունների ընդհանուր ծավալը, փաստացի գներով, կազմել է 35 մլրդ դրամ, 2018թ. հունվար-հունիսի նկատմամբ, համադրելի գներով, աճել է 19 %-ով:
2019թ. հունվար-հունիսին ծառայությունների կառուցվածքում մեծ տեսակարար կշիռ են կազմել ֆինանսական և ապահովագրական գործունեության, տրանսպորտի,տեղեկատվության և կապի ծառայությունները, համապատասխանաբար` 39.4, 17.2, 12.4 %: Ծառայությունների ընդհանուր ծավալի 85.8 %-ը բաժին է ընկել Ստեփանակերտին, մնացած 14.2 %-ը բաշխվել է շրջանների միջև: Միջին հաշվով մեկ բնակչին ընկնող ծառայությունների ծավալը 2019թ. հունվար-հունիսին կազմել է 236.9 հազ.դրամ, անցյալ տարվա նույն ժամանակաշրջանի 206.8 հազ.դրամ փոխարեն:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -39-:
