ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ օգոստոսի 13-ին կայացած մամուլի ասուլիսի ժամանակ ասել է ԱՀ Ազգային վիճակագրական ծառայության նախագահ Մանուշ Մինասյանը և ավելացրել, որ նախորդ տարվա նույն ժամանակաշրջանի համեմատ՝ համախմբված բյուջեի եկամուտներն աճել են 11.2 %-ով:

Նրա խոսքով՝ համախմբված բյուջեի եկամուտները  ՀՆԱ-ի նկատմամբ կազմել են 23.2 %` նախորդ տարվա նույն ժամանակաշրջանի 22.9%-ի փոխարեն: Հարկեր-տուրքեր/ՀՆԱ հարաբերակցությունը կազմել է 22.9%՝ նախորդ տարվա նույն ժամանակաշրջանի 22.5%-ի փոխարեն: 2019թ. հունվար-հունիսին Արցախի համախմբված բյուջեի ծախսերը կազմել են 49.2 մլրդ դրամ՝ նախորդ տարվա նույն ժամանակաշրջանի համեմատ աճելով 6.8 %-ով: Նույն ժամանակահատվածում համախմբված բյուջեի ծախսերը գերազանցել են եկամուտները 59.9 %-ով:

2019թ. հուլիսի 1-ի դրությամբ առևտրային բանկերի (մասնաճյուղերի) վարկերը կազմել են 171.7 մլրդ դրամ և 2018թ. հուլիսի 1-ի համեմատ աճել են 11.3 %-ով: 2019թ. հուլիսի 1-ի դրությամբ ներգրավված ավանդները կազմել են 111.2 մլրդ դրամ և 2018թ. հուլիսի 1-ի համեմատ աճել են 5.2 %-ով: Ավանդների ընդհանուր կառուցվածքում 82.7 %-ը բաժին է ընկնում ռեզիդենտներին, 17.3 %-ը` ոչ ռեզիդենտներին:

Արցախի տարածքում գործող առևտրային բանկերի վարկերի միջին տոկոսադրույքները 2019թ. հուլիսի 1-ի դրությամբ տատանվում են 12 %-ից մինչև 17.5 %-ի շրջանակում, ավանդների միջին տոկոսադրույքները` 6.4 %-ից մինչև 12.5 %-ի շրջանակում:

 

2019թ. հունվար-հունիսին շահույթով աշխատած բանկերի շահույթը կազմել է 5 միլիարդ 645 միլիոն 500 հազար դրամ, իսկ վնասով աշխատած բանկերի վնասը՝  1 միլիարդ 166 միլիոն 800 հազար դրամ:

Հանրապետությունում ոչ բանկային կազմակերպությունների կողմից իրականացված փոխառությունները 2019թ. հունվար-հունիսին կազմել է 10.8 մլրդ դրամ, 2018թ. 18.5 մլրդ դրամի փոխարեն: