Artsakhpress

Հասարակական

Արցախում առաջին կիսամյակում ծնվել է 973 երեխա

Ընթացիկ տարվա հունվար-հունիսին Արցախում ծնվածների թիվը կազմել է 973 մարդ, մահացածների թիվը` 573 մարդ, բնական հավելաճը` 400 մարդ:

Արցախում առաջին կիսամյակում ծնվել է 973 երեխա

Արցախում առաջին կիսամյակում ծնվել է 973 երեխա
ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ օգոստոսի 13-ին կայացած մամուլի ասուլիսի ժամանակ ասել է ԱՀ Ազգային վիճակագրական ծառայության նախագահ Մանուշ Մինասյանը:
Նրա խոսքով՝ նախորդ տարվա համեմատ՝ ծնվածների թիվը նվազել է 146 մարդով կամ 13 %-ով, մահացածների թիվը՝ 82 մարդով կամ 12.5 %-ով, բնական հավելաճը՝ 64 մարդով կամ 13.8 %-ով: Բազմապտուղ ծնունդների դեպքերի թիվը 12 է, նախորդ տարի`հունվար-հունիսի 24-ի դիմաց, որոնք բոլորը երկվորյակ են:
 
2019թ. հունվար-հունիսին կենսունակության գործակիցը, այն է ծնվածների և մահացության  դեպքերի հարաբերակցությունը, կազմել է 169.8 %:
Մեռելածինների թիվը,  ինչպես և նախորդ տարին, 2019թ. հունվար-հունիսին  կազմել է 7 երեխա: Մոր միջին տարիքը երեխայի ծննդյան ժամանակ Արցախում 2019թ. հունվար-հունիսին կազմել է 27.8 տարեկան, ընդ որում առաջնեկ ունեցող մոր միջին տարիքը` 24.8 տարեկան:
«Ծնված երեխաների անվանակոչման դիտարկումը վկայում է աղջիկների համար՝ Մարիա(25դեպք), Մարիամ(19դեպք), Նարե(18դեպք), Աննա(18դեպք), Մարի(18դեպք), տղաների համար՝ Դավիթ(28դեպք), Տիգրան(28դեպք), Գոռ(22դեպք), Մարկ(18դեպք), Արթուր(15դեպք) անունների ավելի հաճախակի անվանակոչման մասին: ԱՎԾ-ն սկսել է հրապարակել նաև նորածինների առավել հաճախ կրկնվող ազգանունները, հետաքրքիր է, որ և աղջիկների, և տղաների ցուցակներում առաջին 3 հորիզոնականները զբաղեցնում են նույն ազգանունները՝ Սարգսյան, Գրիգորյան և Հարությունյան»,- նշել է Մ. Մինասյանը:
Նա տեղեկացրել է, որ հանրապետությունում հաշվետու ժամանակաշրջանում ծնվածների 41.9%-ը և մահացածների 35.6%-ը բաժին են ընկնում մայրաքաղաքին: Մահացածության պատճառական կառուցվածքի ըստ հիվանդության դասերի դիտարկման արդյունքում բարձր տեսակարար կշիռներ ունեն արյան շրջանառության համակարգի հիվանդություններից` 60.9%(նախորդ տարվա 73.4%-ի փոխարեն), նորագոյացություններից` 19.7% (նախորդ տարվա 13.0%-ի փոխարեն) և շնչառական օրգանների հիվանդություններից`9.2% (նախորդ տարվա 2.4-ի փոխարեն) մահվան դեպքերը:
Ըստ տարիքային խմբերի մահվան դեպքերի՝ մինչև 70 տարեկան մահացածները կազմել են ընդհանուրի 33.1%-ը (նախորդ տարվա 28.6%-ի փոխարեն), 70 և բարձր տարիքի անձինք` 66.9%-ը (նախորդ տարվա 71.4%-ի փոխարեն):
Մանկամահացությունը 2019թ. հունվար-հունիսին Արցախում 13.4 պրոմիլ է կամ 13 դեպք` 2018թ. նույն ժամանակաշրջանի 8 պրոմիլ է կամ 9 դեպքի դիմաց, երեխաների մահացությունը՝ 17.5 պրոմիլ կամ 17 դեպք` 2018թ.  նույն ժամանակաշրջանի 8.9 պրոմիլի կամ 10 դեպքի փոխարեն:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Ռուսատանը, որպես պետություն թույլ չի տա, որ Լեռնային Ղարաբաղի հարցն անարդար լուծում ստանա. Կոնստանտին Զատուլին

Արցախը երբևիցե ՀՀ մարզ չի լինելու. Վիտալի Բալասանյան

Փաշինյանը տեղում կոշտ պատասխանել է Ալիևին

Արայիկ Հարությունյանը՝ Փաշինյանի հետ հարաբերության և նախագահական ընտրությունների մասին

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Արցախի ճակատագիրը չի կարող որոշվել առանց նրա մասնակցության, և չի կարող լինել վերադարձ անցյալին. Բակո Սահակյան

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Search