Artsakhpress

Տնտեսական

Հանրապետության երեք համայնքներում կիրականացվի գյուղատնտեսական փորձնական հաշվառում

Ընթացիկ տարվա հոկտեմբերի 11-31-ը Ասկերան քաղաքում, Մարտունու շրջանի Հերհեր և Ասկերանի շրջանի Նորագյուղ համայնքներում կիրականացվի գյուղատնտեսական փորձնական հաշվառում:

Հանրապետության երեք համայնքներում կիրականացվի գյուղատնտեսական փորձնական հաշվառում

Հանրապետության երեք համայնքներում կիրականացվի գյուղատնտեսական փորձնական հաշվառում
ՍՏԵՓԱՆԱԿԵՐՏ, 13 օգոստոսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ օգոստոսի 13-ին կայացած մամուլի ասուլիսի ժամանակ ասել է ԱՀ Ազգային վիճակագրական ծառայության նախագահ Մանուշ Մինասյանը և ավելացրել, որ փորձնական հաշվառումը նպատակ ունի փորձարկելու մեթոդաբանությունը և գործիքակազմը, ինչպես նաև բացահայտելու այն խնդիրները, որոնք կարող են ծագել համատարած հաշվառման ընթացքում:
«ԱՀ Ազգային վիճակագրական ծառայության հիմնական աշխատանքն այս տարի կենտրոնացված է լինելու 2020 թվականին հանրապետությունում նախատեսված գյուղատնտեսական համատարած հաշվառման նախապատրաստական աշխատանքների ուղղությամբ: Դեռևս 2010 թ.-ից Արցախում գործում է «Գյուղատնտեսական համատարած հավառման մասին» օրենք, որի հիման վրա այս տարվա ապրիլին ԱՀ կառավարությունն ընդունել է 2 որոշումներ: Այդ որոշումներով կանոնակարգվել է ծրագիրը, որով պետք է իրականացվի հետազոտությունը, ինչպես նաև սահմանվել են ժամկետները: Համատարած հաշվառմանը պետք է նախորդի փորձնական փուլ, որն էլ կիրականացվի ընթացիկ տարում: Իսկ 2020 թ.-ի հոկտեմբերի 11-31-ը կանցկացվի գյուղատնտեսական համատարած հաշվառում հանրապետության բոլոր համայնքներում»,- մանրամասնել է Մ. Մինասյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -49-:

     

Քաղաքական

Հասարակական

Ռազմական

Search