Մերձավոր Արևելքի երկրների միջև չհարձակման մասին դաշնագիրը, ինչպես նաև տարածաշրջանային երկխոսության համաժողովի անցկացումն ի զորու են նվազեցնել արտաքին խաղացողների ազդեցությունը տարածաշրջանում:
Մերձավոր Արևելքում չհարձակման մասին դաշնագիրը կնվազեցնի արտաքին խաղացողների ազդեցությունը. Իրանի ԱԳ նախարար
ՍՏԵՓԱՆԱԿԵՐՏ, 18 օգոստոսի, ԱՐՑԱԽՊՐԵՍ: Tert.am-ի փոխանցմամբ, այս մասին իր թվիթերյան էջում հայտնել է Իրանի ԱԳ նախարար Մոհամմադ Ջավադ Զարիֆը:
«Տարածաշրջանային երկխոսության համաժողովը և չհարձակման մասին դաշնագիրը կնվազեցնեն կախվածությունն արտաքին խաղացողներից»,- գրել է Զարիֆը Քուվեյթ կատարած այցի ավարտին: Նա նաև ընդգծել է «բանակցությունների արդյունավետությունը», որոնց մասնակցություն են ունեցել երկրի գահաժառանգ արքայազնը ու ԱԳ նախարարը:
Ինչպես փոխանցում է ТАСС գործակալությունը՝ հղում անելով Իրանի ԱԳՆ կայքին, բանակցությունների ընթացքում Զարիֆն ընդգծել է «տարածաշրջանի երկրների համագործակցության անհրաժեշտությունը՝ հաշվի առնելով ընթացիկ փոփոխությունները»:
Օգոստոսի 5-ին իրանցի ԱԳ նախարարը տարածաշրջանի երկրների առաջնորդներին կոչ է արել երկխոսություն սկսել և դաշնագիր կնքել չհարձակման մասին՝ ԱՄՆ-ի նկատմամբ վստահության նվազման ֆոնին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:
