Ղազախստանի առաջին նախագահ Նուրսուլթան Նազարբաևը երգ է գրել: Այդ երգի տեսահոլովակն է նկարահանվել:
Համացանցում է հայտնվել Նուրսուլթան Նազարբաևի գրած երգը
ՍՏԵՓԱՆԱԿԵՐՏ, 20 օգոստոսի, ԱՐՑԱԽՊՐԵՍ: Նազարբաևը այն տեղադրել է Instagram-ի իր էջում:
Տեսահոլովակում Նազարբաևը բնության ֆոնին երգում է իր հայրենիքի մասին: Երգի բառերի հեղինակն է Նազարբաևը, իսկ երաժշտությունը գրել է Ալթինբեկ Կորազբաևը:
«Ես շատ երկրներում եմ եղել, բայց ոչ մեկը չի համեմատվի իմ հարազատ ղազախական հողի հետ՝ երեք բարձունքներով Ալատաուի ստորոտին: Այստեղ իմ մանկությունն է անցել, այստեղ իմ արմատներն են»,- SHANTNEWS.am-ի փոխանցմամաբ՝ գրել է Նազարբաևը:
Նազարբաևը ղեկավարել է երկիրը մոտ երեք տասնամյակ, նախագահի պաշտոնից հեռացել է 2019 թվականի մարտի 19-ին: Նա, սակայն, պահպանել է Անվտանգության խորհրդի և իշխող «Նուր Օթան» կուսակցության ղեկավարների պաշտոնները:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -48-:
