Artsakhpress

Տնտեսական

Սեպտեմբերից համայնքներում կիրականացվեն ստուգումներ. գյուղնախարարը ներկայացնում է մանրամասները

Ընթացիկ տարվա սեպտեմբեր ամսից վերահսկողական աշխատանքներ են իրականացվելու Արցախի գյուղական համայնքներում՝ ներառելով ԱՀ գյուղատնտեսության նախարարության ամբողջ համակարգը:

Սեպտեմբերից համայնքներում կիրականացվեն ստուգումներ. գյուղնախարարը ներկայացնում է մանրամասները

Սեպտեմբերից համայնքներում կիրականացվեն ստուգումներ. գյուղնախարարը ներկայացնում է մանրամասները
ՍՏԵՓԱՆԱԿԵՐՏ, 21 օգոստոսի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին Հադրութի շրջանի համայնքի ղեկավարների հետ հանդիպման ժամանակ ասել է ԱՀ գյուղատնտեսության նախարար Ժիրայր Միրզոյանը:
Նրա խոսքով՝ սննդամթերքի անվտանգության հարցում շարունակվում է համայնքներում արձանագրվել այնպիսի իրավիճակ, ինչպիսին մեկ տարի առաջ էր:
«Խանութներում չպետք է շարունակվի ժամկետանց սննդամթերքի վաճառքը: ԱՀ ԳՆ սննդամթերքի անվտանգության ծառայությունը չունի համապատասխան ներուժ ամենօրյա ռեժիմով վերահսկելու վաճառվող ապրանքների ժամկետները: Եվս մեկ կարևոր խնդիր է այդ ապրանքների պահպանման պայմանները վերահսկելը: Սննդամթերքը վաճառվում բաց տարածքներում, շատ դեպքերում՝ արևի տակ դրված: Հորդորում եմ այս խնդիրներին հատուկ ուշադրություն դարձնել»,- նշել է Ժ. Միրզոյանը:
Նախարարն անդրադարձել է նաև Հադրութի շրջանի Ուխտաձոր համայնքի և Արաքսի հովտի վարելահողերի, ինչպես նաև խորքային հորերի հնարավորությունների լիարժեք օգտագործման կարևորությանը:
Ժ. Միրզոյանի խոսքով՝ կան թերծանրաբեռնված խորքային հորեր, որտեղ 20-30 հա հող մշակելու համար նախատեսված խորքային հորը օգտագործվում է 1-1.5 հա բանջարեղեն մշակելու համար, ինչը անթույլատրելի է: Առաջիկայում հատուկ ուշադրություն է դարձվելու խնդրին: Գյուղոլորտի պատասխանատուն նշում է, որ, այսպիսի պոտենցիալ ունենալով, պետք է ամբողջությամբ օգտագործվի խորքային հորերի հնարավորությունները:
Հանդիպման ընթացքում անդրադարձ է կատարվել նաև վերջերս Մոխրենես համայնքում խոզերի «աֆրիկական ժանտախտ» հիվանդության բռնկման ու անասնագլխաքանակի անկման դեպքին: Ընթացիկ տարվա սեպտեմբերին նախարարության կողմից իրականացվելու են ստուգումներ այն համայնքներում, որտեղ կան խոզաբուծությամբ զբաղվողներ: Նախարարն ընդգծել է, որ խոզերի բուծումը բաց պահվածքով իրականացնող բոլոր անձանց ենթարկելու են պատասխանատվության: Նույնը վերաբերում է խոշոր, մանր եղջերավոր կենդանիների պահմանը, եթե արածեցումը կազմակերպվում է առանց նախրապանի կամ հովվի:
Հանդիպման ընթացքում գյուղնախարարը համայնքների ղեկավարներին է ներկայացրել գարնանացանի աշխատանքների պլանավորման նոր ժամանակացույցը, ըստ որի շրջանները գարնանացանի տարածքների, մշակաբույսերի տեսականու և սերմերի քանակների վերաբերյալ հայտերը գյուղնախարարություն պետք է ներկայացնեն օգոստոս-սեպտեմբեր ամիսներին, որպեսզի սերմերի ներկրումն ապահովվի ընթացիկ տարվա հոկտեմբերին:
Հանդիպման վերջում Ժ. Միրզոյանը պատասխանել է համայնքների ղեկավարների հնչեցրած հարցերին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -26-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ասկերանի շրջանի բնակիչը ձիով պայթել է հակահետևակային ականի վրա

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ստեփանակերտում կազմակերպվել է ֆլեշ մոբ

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Ստեփանակերտում կկազմակերպվի «Իմ սեր Հայաստան» խորագրով ֆլեշմոբ

Պուտինը Սերգեյ Կարապետյանին նշանակել է Սմոլենսկի մարզի դատախազ

Search