Artsakhpress

Հասարակական

Ստեփանակերտում ընթանում են շախմատի ուսուցիչների վերապատրաստման դասընթացներ

ԱՀ կրթության, գիտության և սպորտի նախարարության (ԿԳՍ) և ՀՀ շախմատի ակադեմիայի համատեղ նախաձեռնությամբ Ստեփանակերտի N2 հիմնական դպրոցում օգոստոսի 22-24-ն անց են կացվում շախմատի ուսուցիչների վերապատրաստման դասընթացներ:

Ստեփանակերտում ընթանում են շախմատի ուսուցիչների վերապատրաստման դասընթացներ

Ստեփանակերտում   ընթանում  են  շախմատի  ուսուցիչների  վերապատրաստման   դասընթացներ
ՍՏԵՓԱՆԱԿԵՐՏ, 23 օգոստոսի, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում  ԱՀ  ԿԳՍ  նախարարության   աշխատակազմի     կրթության   պետական տեսչության   բաժնի  վարիչ, շախմատի  գծով  տեսուչ  Բեհբուդ  Մելքումյանն  ասել  է, որ    դասընթացներին  մասնակցում  են  հանրապետության  ողջ   շրջաններից  շուրջ  110  շախմատի  ուսուցիչ:
Վերապատրաստման   դասընթացներն  անց  են  կացնում   ՀՀ  շախմատի  ակադեմիայի  դասախոսները, ինչպես  նաև  ԱՀ  ԿԳՍ  նախարարության  հոգեբան-մանկավարժները:
«Սկսած  2012  թվականից   նախարարությունը  ձեռնարկում  է   նման  դասընթացների  կազմակերպումը, որի շրջանակներում շախմատի ուսուցիչները  ծանոթանում  են  առարկայի  դասավանդման  նորարարություններին,  մեթոդներին, չափորոշիչներին, մեխանիզմներին:   Դասընթացների  ավարտին՝  ըստ     ուսուցիչների  ստացած  միավորների,  տրամադրվելու  են   1-3   տարի  ժամկետ  ունեցող  վկայականներ»,-ավելացրել  է   Բ.  Մելքումյանը:
 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -40-:

     

Քաղաքական

Տնտեսական

Հասարակական

Ռազմական

Search