Artsakhpress

Հասարակական

Ստեփանակերտի օդանավակայանում կազմակերպվել է օդային երրորդ փառատոնը (լուսանկարներ)

ԱՀ էկոնոմիկայի ու արտադրական ենթակառուցվածքների, ԱՀ մշակույթի, երիտասարդության հարցերի ու զբոսաշրջության նախարարությունների և «Յելլ Էքստրիմ պարկ» ընկերության համատեղ նախաձեռնությամբ Ստեփանակերտի օդանավակայանում այսօր՝ օգոստոսի 24-ին, կազմակերպվել է օդային երրորդ փառատոնը (Artsakh Airfest):

Ստեփանակերտի օդանավակայանում կազմակերպվել է օդային երրորդ փառատոնը (լուսանկարներ)

Ստեփանակերտի   օդանավակայանում  կազմակերպվել   է   օդային երրորդ փառատոնը (լուսանկարներ)
ՍՏԵՓԱՆԱԿԵՐՏ, 24 օգոստոսի, ԱՐՑԱԽՊՐԵՍՓառատոնի  ընթացքում   կազմակերպվել  են  օդապարիկով, ինքնաթիռով և պարապլանով թռիչքներ, ցուցադրել՝ օդային շոու ծրագիր, որից  հետո   օդանավակայանում «Արրատա բենդ»-ի և  «Շուշվա  բենդ»-ի  մասնակցությամբ   կայացել   է  համերգային  ծրագիր:
«Արցախպրես»-ի  թղթակցի   հետ  զրույցում   ԱՀ մշակույթի, երիտասարդության հարցերի և զբոսաշրջության նախարարության զբոսաշրջության վարչության պետ Արտակ Գրիգորյանն  ասել է,  որ  Ստեփանակերտում օդային  փառատոնի  կազմակերպումը  դրական մեծ  արձագանք  է  ստացել  հանրության  և  զբոսաշրջիկների  կողմից:
Ըստ  Ա.  Գրիգորյանի՝  փառատոնի  մասնակիցները  տարեցտարի ավելանում  են.   այս  տարի  Artsakh Airfest-ին    մասնակիցում  են      ԱՀ-ից,  ՀՀ-ից  և  արտերկրից:
«Յելլ Էքստրիմ պարկ» ընկերության հիմնադիր   Տիգրան  Չիբուխչյանի  խոսքով՝    փառատոնի  նպատակն  է   զարգացնել   ավիացիան: 
«Այն  նաև   հետաքրքրություն  է առաջացնում   նոր  սերնդի  շրջանում՝  հետագայում   դառնալ  օդաչուներ:
 Մեծ  խթան  է  հանդիսանում     նաև  զբոսաշրջության   զարգացման  համար՝  հաշվի  առնելով  Արցախի  ներուժը,  հարուստ  բնությունն  ու    պատմամշակությաին  վայրերը»,-  մասնավորապես  ասել  է  Տ.  Չիբուխչյանը:
Փառատոնին  մասնակից  հոլանդահայ   զբոսաշրջիկ  Արամ   Պետրոսյանն  ասել   է, որ   ինքը  երկօրյա   ճանաչողական  այցով     է  գտնվում  Արցախում  և  Artsakh Airfest-ին      մասնակցելու  հնարավորությունը    որոշել  է  բաց  չթողնել:
«Արցախը  բավականին  հետաքրքիր, գեղեցիկ, անվտանգ   երկիր  է, մարդիկ   ժպտերես  են  ու  բարիացակամ: Առաջին  անգամ  եմ  Արցախում:  Եղել  եմ  Դադիվանքում, Գանձասարում, Շուշիում.  ամնաշատն  ինձ  գերել  է Արցախի   հրաշք  բնությունը:   Այս  փառատոնը  հնարավորություն  է  տալիս  վայելելու      հետաքրքիր  ու  բովանդալկալից   ժամանց»,-ավելացրել  է  Ա. Պետրոսյանը:
Ռուսաստանի  Դաշնությունից   Արցախ   ժամանած    Պոլշակով  Եվգենիի   խոսքով՝  ինքն   երկրորդ     անգամ  է  Արցախում, բայց   առաջին  անգամ  է  մասնակցում    օդային  փառատոնին:
Խոսելով  Արցախից  ստացած իր  տպավորությունների  մասին՝   մեր զրուցակիցն   ասել է. «Հիացած  եմ  Արցախով  ու  արցախցիներով:    Այստեղ  ամեն  ինչ  հանգիստ  է,  մարդիկ   պատրաստակամ են  օգնելու   հյուրերին   ցանկացած  հարցով:  Ինձ  շատ   է   գերել  «Հունոտի կիրճ» պետական բնապատմական արգելոցը: Կարծում  եմ՝  այս  փառատոնը  լավ  հնարավորություն  է    զբոսաշրջիկների  համար, որպեսզի      կարողանանք    ավելի  մոտիկից   զգալ   արցախյան  շունչն  ու  ոգին»:
Artsakh Airfest-ին ներկա  իտալացի  Լուչիա  Բորթոլոտին    էլ բավականին  տպավորված  է  կազմակերպված   միջոցառումից:
«Ուրախ  եմ, որ  գտվում  եմ Արցախում: Այստեղ  մթնոլորտը  շատ  ջերմ  է:
Շփվելով  մարդկանց  հետ  ինձ  թվում  է, թե   իտալացիների  և  արցախցիների   միջև  ընդհանրություններ  կան, որոնք  էլ   ինձ   ավելի են ոգևորում»,-նշել  է  զբոսաշրջիկը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -46-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Պայմանագրային զինծառայող է զոհվել

Ստեփանակերտ-Երևան երկկողմանի ճանապարհները փակ են. ԱԻՊԾ

Կասպից ծովն առափնյա հատվածներում կարմրել է

Արցախցի երիտասարդին անհրաժեշտ է ֆինանսական աջակցություն բուժման ծախսերը հոգալու համար

Search