Artsakhpress

Հարցազրույց

Առաջնահերթ եմ համարում մայրաքաղաքի գլխավոր հատակագծի արդիականացումը. Արմեն Հակոբյան

Ընթացիկ տարվա սեպտեմբերի 8-ին Արցախում կանցկացվեն տեղական ինքնակառավարման մարմինների ընտրություններ: Ստեփանակերտում քաղաքապետի պաշտոնի համար առաջադրված հինգ թեկնածուներից այս անգամ մեր զրուցակիցն է Արմեն Հակոբյանը:

Առաջնահերթ եմ համարում մայրաքաղաքի գլխավոր հատակագծի արդիականացումը. Արմեն Հակոբյան

Առաջնահերթ եմ համարում մայրաքաղաքի գլխավոր հատակագծի արդիականացումը. Արմեն Հակոբյան
ՍՏԵՓԱՆԱԿԵՐՏ, 30 օգոստոսի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Ա. Հակոբյանը խոսել է իր նախընտրական ծրագրի, մայրաքաղաքում առկա խնդիրների և մի շարք այլ հարցերի մասին:
-Պարո՛ն Հակոբյան, նախընտրական ի՞նչ ծրագրով եք հանդես գալիս: Կխնդրեի առաձնացնել հիմնական դրույթները:

Մեր նախընտրական ծրագրի ամենակարևոր դրույթներից մեկը թերևս Ստեփանակերտի հին դիմագծի պահպանումն է: Այսօր շատ կարևոր է, որպեսզի վերակառուցվող և զարգացող Ստեփանակերտը պահպանի իր դիմագիծը՝ ներկայանալով որպես հին ու նոր քաղաք: Երկրորդ կարևոր դրույթը Ստեփանակերտի քաղաքաշինական կարևորագույն փաստաթղթի՝ քաղաքի գլխավոր հատակագծի արդիականացման հաստատումն է: Պետք է նշեմ, որ մեր քաղաքում օրեցօր գեղեցիկ ու հարմարավետ շինությունների թվի աճ է նկատվում: Այնուամենայնիվ կան բացեր՝ կապված հաշմանդամների տեղաշարժման հետ: Եվս մեկ կարևոր դրույթ վերաբերում է Ստեփանակերտի կանաչապատմանը: Ինչքան էլ մեր քաղաքը կանաչ ու գեղեցիկ է, սակայն այն ավելի մաքուր ու նոր տեսքի բերելու խիստ անհրաժեշտություն կա: Անհրաժեշտ է ընդլայնել Ստեփանակերտի բուսաբանական այգու տնկարանը և կառուցել ժամանակակից ջերմատուն:
-Իսկ մայրաքաղաքում առկա խնդիրներից որո՞նք եք առաջնահերթ համարում:
-Առաջնահերթ եմ համարում ջրամատակարարման միասնական ցանցի ստեղծման աշխատանքները: Միաժամանակ պետք է վերանորոգել և ընդլայնել ջրամատակարարման ու ջրահեռացման ենթակառուցվածքները: Ունենք մեծ անելիքներ տրանսպորտի բնագավառում, մասնավորապես՝ մայրաքաղաքի ծայրամասային հատվածներում: Ստեփանակերտը պետք է զարգացնել ոչ միայն կենտրոնի հաշվին, այլև աստիճանաբար շարժվել դեպի ծայրամասերը:  Պետք է ավարտին հասցնել բազմահարկ շենքերի տանիքների կապիտալ վերանորոգումը, բակերի և փողոցների բարեկարգումը, մանկական խաղահրապարակների կառուցման աշխատանքները:
-Պարո՛ն Հակոբյան, Ձեր կարծիքով՝ համայնքի բյուջեն կբավարարի՞ մայրաքաղաքի հիմնական խնդիրները լուծելու համար:
Համայնքային բյուջեն խիստ սահմանափակ է այդ խնդիրները լուծելու համար: Համայնքային բյուջեով կարելի է լուծել միայն ընթացիկ վերանորոգման աշխատանքները: Կարծում եմ՝ պետական բյուջեից պետք է հավելյալ աջակցություն տրվի, ինչպես նաև ներգրավվեն հովանավորչական միջոցները:
- Որպես քաղաքապետի թեկնածու՝ ու՞մ եք համարում հիմնական մրցակից:
Ես հարգում եմ բոլոր թեկնածուներին, և յուրաքանչյուրին էլ մրցակից եմ համարում:
-Իսկ ի՞նչպես եք գնահատում Ձեր շանսերը:
Կարծում եմ՝ իմ անցած ճանապարհը, քաղաքապետարանում ծավալած գործունեությունը բավարար հիմք են, որպեսզի հասարակությունը դրական գնահատի իմ աշխատանքը: Այս տարիներին, ըստ իս, աշխատել եմ ազնիվ, նվիրումով, սկզբունքային՝ հնարավորինս օգտակար լինելով բնակչությանը:
-Պարո՛ն Հակոբյան, ինչու՞ պետք է ստեփանակերտցին ընտրի հենց Ձեզ:
-Ստեփանակերտցին կարող է ցանկացածին ընտրել, սակայն համոզված եմ, որ ինձ կընտրի նա, ում համար իմ ծրագիրը և անցած ճանապարհը ցանկալի է: Կոչ եմ անում բոլորին կատարել իրենց քաղաքացիական պարտքը, ծանոթանալ բոլոր թեկնածուների ծրագրերին, շփվել նրանց հետ և կատարել ճիշտ ընտրություն:
Հարցազրույցը՝ Անի Ավանեսյանի
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -49-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Ռուսատանը, որպես պետություն թույլ չի տա, որ Լեռնային Ղարաբաղի հարցն անարդար լուծում ստանա. Կոնստանտին Զատուլին

Արցախը երբևիցե ՀՀ մարզ չի լինելու. Վիտալի Բալասանյան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Search