Artsakhpress

Սփյուռք

Հայկական եկեղեցին Վոլգոգրադում նախատեսվում է բացել մինչեւ 2021 թվականը

Վոլգոգրադի Ձերժինսկի շրջանում կառուցվող հայկական եկեղեցին նախատեսվում է բացել մինչեւ 2021 թվականը։

Հայկական եկեղեցին Վոլգոգրադում նախատեսվում է բացել մինչեւ 2021 թվականը

Հայկական եկեղեցին Վոլգոգրադում նախատեսվում է բացել մինչեւ 2021 թվականը
ՍՏԵՓԱՆԱԿԵՐՏ, 6 սեպտեմբերի, ԱՐՑԱԽՊՐԵՍ: Վերջերս այն «ազատել» են օժանդակ շինանյութերից։ Իսկ այժմ ավարտին են մոտենում ներքին հարդարման աշխատանքները, փոխանցում է news.am-ը:
Ամեն օր եկեղեցում աշխատում են պրոֆեսիոնալ քարագործները։ Հինգ վարպետ հատուկ եկել է Հայաստանից։ Նաեւ՝ արտասահմանում հայտնի քարագործ Դավիթ Լուսիկյանը։ Վարպետն աշխատում է եկեղեցիների կառուցման վրա Լոս Անջելեսում եւ Նյու Յորքում։ Երբ իմացավ Վոլգոգրադի նախագծի մասին, համաձայնեց օգնել։
«Քարը ներքին հարդարման համար հատուկ բերվել է Հայաստանից,- ասել է Վոլգոգրադի մարզային «Հայկական համայնք» ՀԿ նախագահի օգնական Ռուզաննա Մինասյանը։- Սկզբում դրանք կտրում ենք մեզ հարկավոր չափերով, իսկ հետո մշակում հատուկ բաղադրությամբ»։
Շինարարությունում աշխատում են նաեւ կամավորականներ։ Նրանք օգնում են շինարարներին եւ կատարում ոչ բարդ աշխատանք։
«Սկսած պարկուճի տեղադրումից՝ շինարարությունը ղեկավարում են Վոլգոգրադի հայկական համայնքի նախագահ Արթուր Մարտիրոսյանը եւ նրա եղբայրը՝ Ավետիք Մարիտիրոսյանը։ Այժմ օգնում են մեր շատ հայրենակիցներ, որոնք ապրում են Վոլգոգրադում։ Ոմանք գործիքներ են բերում, ոմանք օգնում են նյութերի հարցում,- ավելացրել է Ռուզաննան։- Ինչպես եւ նախատեսվում էր, եկեղեցին կառուցվում է ոչ անտարբեր քաղաքացների նվիրատվություններով, ընդ որում՝ պարտադիր չէ, որ նրանք հայեր լինեն։ Մեզ օգնել են նաեւ վոլգոգրադցի շատ գործարարներ»։
Նախատեսվում է, որ ներքին հարդարման աշխատանքները կավարտվեն մինչեւ տարեվերջ։ Դրանից հետո կհրավիրվեն նկարիչներ, որոնք մասնագիտանում են եկեղեցիների նկարազարդմամբ։
«Նկարազարդումը կդառնա հաջորդ մեծ փուլը եկեղեցու շինարարության մեջ։ Գմբեթների ներքո մենք տասներկու պատուհան ենք ունենալու։ Դրանց միջեւ կտեղադրվեն տասներկու առաքյալների պատկերները։ Դրանից հետո մենք կզբաղվենք հատակով։ Դրա համար Հայաստանից հատուկ քար կբերվի»։
Ձերժինսկի շրջանում եկեղեցու շինարարության մասին որոշումը, որը շատ վեճեր էր առաջացրել, ընդունվել է 2012-ին։ Շինարարությունն սկսվել է 2013-ին։ Նոր եկեղեցին նախատեսվում է բացել մինչեւ 2021 թվականը։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -24-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Ստեփանակերտի որոշ փողոցներում ժամանակավորապես կդադարեցվի գազամատակարարումը

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Բակո Սահակյանը հրավիրել է աշխատանքային խորհրդակցություն

Քարվաճառում առաջին անգամ կազմակերպվել է մեղրի փառատոն (լուսանկարներ)

Search