Artsakhpress

Հասարակական

Ընտրախախտումների զգալի մասը պայմանավորված է եղել տեղամասային հանձնաժողովների անդամների չիմացությամբ. «Ականատես»

«Ականատես» դիտորդական առաքելությունն սեպտեմբերի 8-ին ԱՀ-ում իրականացրել է տեղական ինքնակառավարման մարմինների ընտրությունների քվեարկության գործընթացի դիտարկում և այսօր հանդես եկել մամուլի ասուլիսով:

Ընտրախախտումների զգալի մասը պայմանավորված է եղել տեղամասային հանձնաժողովների անդամների չիմացությամբ. «Ականատես»

Ընտրախախտումների  զգալի  մասը   պայմանավորված  է  եղել  տեղամասային  հանձնաժողովների  անդամների   չիմացությամբ. «Ականատես»
ՍՏԵՓԱՆԱԿԵՐՏ, 9 սեպտեմբերի, ԱՐՑԱԽՊՐԵՍ: «Ականատես»    դիտորդական    առաքելությունն   իրականացվում  է «Թրանսփարենսի  ինթերնեշնլ   հակակոռուպցիոն    կենտրոն» (ԹԻՀԿ), «Ժուռնալիստների   «Ապարեզ»  ակումբ»  (ԺԱԱ)  հասարակական  կազմակերպությունների, «Ռեստարտ»  քաղաքացիական  նախաձեռնության  և  իրավունքի  զարգացման  և  պաշտպանության  հիմնադրամի, ինչպես  նաև   Արցախում՝  «Քաղաքացիական  հաբ»  հասարակական  կազմակերպության  կողմից:
 
«Ականատես»-ի  նպատակն  է   նպաստել   ազատ  և  արդար  ընտրությունների  անցկացմանը, ընտրական  գործընթացների   օրինավորությանը  և  դրանց  նկատմամբ  հանրային  վերահսկողությանը:
 
«Արցախպրես»-ի  թղթակցի   հաղորդմամբ՝    «Քաղաքացիական  հաբ»   ՀԿ   ներկայացուցիչ   Լուսինե    Համբարձումյանն  ասուլիսին  ասել  է, որ   «Ականատես»  դիտորդական  առաքելությունը  ներգրավել  է   103  դիտորդ, 53-ը  Արցախից  և  50-ը՝  Հայաստանից, որպես  օտարերկրյա   հասարակական   կազմակերպության   դիտորդներ:
Ըստ  Լ. Համբարձումյանի՝     դիտորդներից  80-ը   40  տեղամասում  հսկել  են    քվեարկության   օրվա  ողջ  գործընթացը:  Դիտարկումն  իրականացվել  է  Ստեփանակերտում, ինչպես  նաև  Ասկերանի, Հադրութի, Մարտունու, Մարտակերտի, Շուշիի  շրջանների  4  քաղաքային  և  15  գյուղական  համայնքներում:  Դիտորդական  առաքելությունն  իրականացվել է  այն  ընտրատարածքներում, որտեղ      կան    300-ից  ավել   ընտրողներ :
«Ունեցել  ենք    23   շրջիկ  դիտորդներ, որոնք  այցելել  են     լրացուցիչ  81  տեղամաս  և  դիտարկել   են  ինչպես  տեղամասային  կենտրոններում, այնպես էլ՝  դրանց  հարող   տարածքներում:  Դիտորդական  առաքելությանն  աջակցել  է  Ստեփանակերտում  տեղակայված   համակարգող խումբը, որը  ներառել  է  8  համակարգող,  8  օպերատոր  և     նույնքան  իրավաբան»,-մասնավորապես  ասել  է  Լ. Համբարձումյանը:
 
«Թրանսփարենսի  ինթերնեշնլ   հակակոռուպցիոն    կենտրոն»-ի   գործադիր  տնօրեն  Սոնա  Այվազյանի     խոսքով՝      տեղամասերի  նախապատրաստումը, ընդհանուր  առմամբ,  անցել  է  խաղաղ   պայմաններում. խնդիրներ  դիտարկվել  են  միայն  առանձին   տեղամասերում:
 
«Դիտարկված  ընտրատեղամասերի 75  %-ը  դժվարամատչելի  է  եղել  սահմանափակ  ֆիզիկական  հնարավորություններ  ունեցող   ընտրողների  համար:   Արցախի  օրենսդրությամբ  սահմանված  շարժասայլակով   քվեարկության  հնարավորության  ապահովման  պարագայում, տվյալ  կարգի 3  խախտում  է  նկատվել  մեկ  տեղամասում:   Երեք  տեղամասերում  քվեախցիկները  տեղադրված են  եղել  այնպես, որ  հնարավորություն  են  տվել  խախտելու  քվեարկության  գաղտնիությունը:   Քվեարկության  գործընթացում  ակտիվորեն  ներգրավվել  են   համայնքի  ղեկավարի  թեկնածուները, այդ  թվում՝   գործող   պաշտոնակատարները  կամ  նրանց  ներկայացուցիչները՝     խախտելով օրենսդրության  պահանջները: Քվեարկությունը,  ընդհանուր  առմամբ,  ընթացել  է  խաղաղ  մթնոլորտում  և  խախտումները   հիմնականում  կրել  են  տեխնիկական    և  ոչ  միտումնավոր: Քվեարկության  և  տեղամասերի  փակման  գործընթացներն  անցել  են   խաղաղ, սակայն   արձանագրվել  է  մի քանի  դեպք»,-  ավելացրել  է  Ս. Այվազյանը:
Նա  ընդգծել է, որ  ընտրախախտումների  զգալի  մասը   պայմանավորված  է  եղել  տեղամասային  հանձնաժողովների  անդամների   չիմացությամբ: Ընդհանուր  առմամբ, բացակայել   են   խախտումների   կատարման  դիտավորությունը  և   այդ  խախտումները  չեն  ունեցել  կազմակերպչական   բնույթ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Լուսանկարներ. ՀՀ ԶՈւ-երը խոցել են հայկական դիրքերը գրոհող ադրբեջանական «ՈՒԱԶ»-ը. Banakinfo

Պարետի որոշմամբ խստացվել են Արցախ մուտք գործելու պահանջները

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Հանրապետությունում արտակարգ իրավիճակի ժամկետը երկարաձգվել է մինչև 2020 թ. օգոստոսի 12-ը

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search