Artsakhpress

Քաղաքական

Ազգային ժողովում տեղի է ունեցել Ֆրանսիայի խորհրդարանականների հետ հանդիպում

Արցախի Հանրապետության Ազգային ժողովում այսօր հյուրընկալել են Ֆրանսիայի խորհրդարանի պատվիրակությանը, որը եռօրյա աշխատանքային այցով գտնվում է Արցախում:

Ազգային ժողովում տեղի է ունեցել Ֆրանսիայի խորհրդարանականների հետ հանդիպում

Ազգային ժողովում տեղի է ունեցել  Ֆրանսիայի խորհրդարանականների հետ հանդիպում
ՍՏԵՓԱՆԱԿԵՐՏ, 11 սեպտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ` ներկաներին ողջունել է ԱՀ Ազգային ժողովի նախագահ Աշոտ Ղուլյանը:
Նա նշել է, որ Արցախի խորհրդարանի արտաքին կապերի մեջ ֆրանսիական ուղղությունն ամենաակտիվն է, իսկ Բարեկամության շրջանակը` ամենակայացած ինստիտուցիոնալ կառույցը:
«Մենք ունենք բոլոր նախադրյալները համատեղ օրակարգն առաջ մղելու և համագործակցության շրջանակներն ընդլայնելու` երկուստեք ներգրավելով քաղաքական, հանրային ու հասարակական լայն խմբեր: Լինելով համամարդկային արժեքների օրրան` Ֆրանսիան շարունակում է առաջատար լինել մարդու իրավունքների ընդլայնման օրենսդրական նորարարությունների բնագավառում:
Այս առումով բարեկամ խորհրդարանականների այցը լավագույն հաստատումն է այն իրողության, որ ազատության, եղբայրության, հավասարության գաղափարներով առաջնորդվող երկրի համար ընկալելի է ազատության համար Արցախի ժողովրդի պայքարը, որի հիմքում ընկած է ազատությունը սիրելու և ամեն ինչից վեր դասելու գաղափարը: Մենք բարձր ենք գնահատում և կարևորում այն աշխատանքը, որն իրականացվում է  Ֆրանսիայում մեր գործընկերների կողմից` Արցախի մասին տեղեկատվություն ներկայացնելու և մեր ժողովրդի իրավունքների մասին բարձրաձայնելու ուղղությամբ»,- նշել է Ա. Ղուլյանը:
Իր հերթին «Ֆրանսիա-Արցախ» Բարեկամության շրջանակի նախագահ Գի Տեսիեն ասել է, որ պատվիրակության մեծամասնությունն առաջին անգամ է այցելում Արցախ:
«Սա ևս մեկ վկայությունն է այն ամենի, որ ֆրանսիացի խորհրդարանականներին հետաքրքրում է Արցախը: Մեզ դրդում է արցախցիների` ազատության հանդեպ ձգտումը: Յուրաքանչյուր խորհրդանական, ով առաջին անգամ է այցելում Արցախ, նպատակ ունի տեսնել այն զարգացումը, որ Արցախի Հանրապետությունը կարողացել է ապահովել: Եթե մենք ուզում ենք միմյանց հասկանալ, պետք է միմյանց ճանաչենք: Յուրաքնչյուր ոք, ով ցանկություն ունի Արցախի մասին խոսել, կարևոր է, որ այցելի և համոզվի այդ իրողության մասին»,- ավելացրել է Գի Տեսիեն:
«Ֆրանսիա-Արցախ» Բարեկամության շրջանակի նախագահը նշել է, որ տարբեր միջոցներ կան Ֆրանսիայում Արցախը ճանաչելի դարձնելու համար, և այդ ուղղությամբ տարում են աշխատանքներ:
Ֆրանսիայի սենատոր Պիեռ Ուզուլիասն էլ ասել է, որ ամենուր, որտեղ հայերը հաստատվում են, դառնում են ազատության և ժողովրդավարության համար պայքարող մարտիկներ:
«Բոլոր այն հայերը, որոնք մազապուրծ կարողացան հասնել Ֆրանսիա, անմիջապես ներգրավվեցին ֆրանսիական քաղաքականության մեջ` միևնույն ժամանակ հավատարիմ մնալով իրենց արմատներին: Ինչ վերաբերում է Արցախին, ապա պետք է նշեմ, որ ժողովուրդներն է, որ պետք է որոշեն իրենց ճակատագիրը, առանց արտաքին միջամտությունների և ժողովրդավար հիմունքներով»,- ավելացրել է Պիեռ Ուզուլիասը:
Հաջորդիվ ֆրանսիացի պատվիրակներն անդրադարձել են Արցախի ինքնորոշման իրավունքին, հետագա համագործակցությանը և մի շարք այլ հարցերի:
Հանդիպմանը ներկա էին ԱՀ կրթության, գիտության և սպորտի նախարար Նարինե Աղաբալյանը, մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը, «Ֆրանսիա-Արցախ» Բարեկամության շրջանակի անդամներ, հյուրեր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -35-:

     

Քաղաքական

Տնտեսական

2020 թվականի պետբյուջեն պետք է ունենա երկու կարևոր ուղղվածություն՝ բնակարանշինություն և ջրամատակարում. Նախագահ

Քաղաքացիների հետ ունենալով բազմաթիվ հանդիպումներ և...

Հատուկ ուշադրություն է դարձվելու տնտեսության ճյուղերի, ենթակառուցվածքների և սոցիալական նշանակության այլ ծրագրերի իրականացմանը. նախարար

Գյուղատնտեսական ոլորտի ծախսերը միջնաժամկետ ծախսերի ծրագրով...

Պետական բյուջեների ձևավորումը միջնաժամկետ հատվածում կընթանա բյուջետային ծախսերի նկատմամբ եկամուտների գերազանցմամբ. Ա. Հարությունյան

Հարկային եկամուտները և պետական տուրքերը պետական միջնաժամկետ...

Առաջին կիսամյակի արդյունքներով Արցախում ՀՆԱ-ն նախորդ տարվա նույն ժամանակահատվածի համեմատ աճել է 9.6 %-ով. նախարար

ԱՀ կառավարության նիստին, այսօր՝ սեպտեմբերի 18-ին, ԱՀ ֆինանսների...

Հասարակական

Ռազմական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Բակո Սահակյանը հրավիրել է աշխատանքային խորհրդակցություն

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search