Ամերիկայի Միացյալ Նահանգների «Adventist Health Glendale» բժշկական կենտրոնի մասնագետները սեպտեմբերի 29-ից մինչև հոկտեմբերի 3-ը տեղի մասնագետների հետ կիրականացնեն բժշկական օգնություն և սպասարկում:
ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ
Adventist Health Glendale» բժշկական կենտրոնի մասնագետների կողմից կիրականացվեն օրթոպեդիկ վիրահատություններ՝ ծնկան հոդի պրոթեզավորում և հոդերի արթրոսկոպիա,
վիրաբուժական միջամտություններ՝ ուղիղ և հաստ աղիքի հիվանդությունների բուժում և ընդհանուր վիրաբուժություն,
սսրտի անոթների խրոնիկ խցանման ստենտավորում և սրտի ռիթմավարի տեղադրում, գլխուղեղի անոթների պաթոլոգիայի անգիոգրաֆիկ վերացում:
Աղբյուրի հաղորդմամբ՝ վերոնշյալ միջամտությունների կարիք ունեցողները, մինչև սեպտեմբերի 25-ը, անհրաժեշտ է դիմել Հանրապետական բժշկական կենտրոնի համապատասխան մասնագետին` նախնական զննման, ինչպես նաև անհրաժեշտության դեպքում վիրահատության նախապատրաստման համար:
Նույն ծրագրի շրջանակներում մանկաբույժ մասնագետի կողմից «Արևիկ» բուժմիավորումում կիրականացվեն երեխաների ընդունելություն և խորհրդատվություն:
Ցանկություն հայտնողները նշված օրերին կարող են դիմել «Արևիկ» բուժմիավորում կամ զանգահարել /047/ 94-55-01 հեռախոսահամարով: