Artsakhpress

Մշակույթ

ՀՀ նախագահի նստավայրում բացվեց հանրահայտ հայ լուսանկարիչների աշխատանքների ցուցահանդեսը

Հայկական առաջին միջազգային ֆոտոփառատոնի շրջանակներում Հանրապետության նախագահի նստավայրում սեպտեմբերի 12-22-ը կգործի «Հայ լուսանկարչության պատմական ժառանգությունը» խորագիրը կրող բացօթյա ցուցահանդեսը:

ՀՀ նախագահի նստավայրում բացվեց հանրահայտ հայ լուսանկարիչների աշխատանքների ցուցահանդեսը

ՀՀ նախագահի նստավայրում բացվեց հանրահայտ հայ լուսանկարիչների աշխատանքների ցուցահանդեսը
ՍՏԵՓԱՆԱԿԵՐՏ, 12 սեպտեմբերի, ԱՐՑԱԽՊՐԵՍ: Ցուցահանդեսի բացման արարողությանը ներկա էր ՀՀ նախագահ Արմեն Սարգսյանը, ով կարևորեց նմանատիպ ցուցահանդեսների կազմակերպումը: Ըստ նախագահի՝  լուսանկարչությունը արդի աշխարհի անբաժան մասն է դարձել. մարդկանց մեծ մասն այդ մասնագիտությունը ունի, սակայն մոռանում է, որ իրականում լուսանկարչությունը, նախ և առաջ, մեծ արվեստ է:
«Լուսանկարը նաև պատմություն է, և այսօրվա ցուցահանդեսը հենց դա է ապացուցում: Լուսանկարը ոչ միայն պատմական փաստ է կամ կերպար է, այլ նաև հսկայական տեղեկություն է պարունակում մարդկանց և ժամանակի մասին: Լուսանկարը նաև խորը հոգեբանական արվեստ է, որովհետև շատ հաճախ լուսանկարի մեջ տեսնում ենք մարդու հոգեբանական վերլուծությունը»,- ասաց նախագահը:
 Անդրադառնալով հայ լուսանկարիչներին՝ Արմեն Սարգսյանն ընդգծեց, որ հայ լուսանկարչությունը հսկայական ավանդույթներ է ունեցել և ունի, ինչպես նաև մեծ ներդրում է ունեցել համաշխարհային լուսանկարչական ոլորտում:
«Ուղղակի պատմական փաստ է, որ մենք, մանավանդ Միջին Արևելքում, շատ մեծ դեր ենք ունեցել լուսանկարչության զարգացման մեջ:  1865 թվականին Եսայի արքեպիսկոպոս Կարապետյանը,, ով  Երուսաղեմի Հայոց պատրիարքն էր, լուսանկարչական  դպրոց է հիմնադրել և այդ դպրոցից մեծ անուններ են դուրս եկել: Այդ հայ մեծանուն լուսանկարիչներից են Աբդալահ եղբայրները, Անտուան Սևրուգինը և այլն, և այլն»,- ասաց նախագահը:
Բացառիկ ցուցահանդեսի շրջանակում ներկայացված են համաշխարհային լուսանկարչության հայ այնպիսի մեծ վարպետների գործեր, ինչպիսիք են Յուսուֆ Քարշը, Իդա Քարը, Արա Գյուլերը և այլք:
Հայկական առաջին միջազգային ֆոտոփառատոնի հիմնադիր և կազմակերպիչ Տաթև Մնացականյանը լրագրողների հետ զրույցում նշեց, որ ցուցահանդեսը շատ կարևոր դեր ունի, քանզի ներկայացված են հայ լուսանկարչության ամենաակնառու դեմքերն ամբողջ աշխարհում, ովքեր պատմություն  են ստեղծել իրենց մեկ կադրով:
«Շատ կարևոր քայլ է առաջին անգամ լուսանկարչական փառատոն անցկացնելը, քանի որ բավականին մեծ և հարուստ պատմություն ունենք: Կարծում եմ՝ սա գեղեցիկ հիմք կլինի և շարունակական բնույթ կկրի: Նախագահականի նստավայրում ցուցահանդեսը կազմակերպելու առաջարկը  եղել է իմ կողմից, և պարոն նախագահը ընդունեց այդ առաջարկը: Հանրության համար ցուցահանդեսը բաց է լինելու, և բոլորը կարող են տեսնել այդ լուսանկարները»,- ասաց Մնացականյանը:
Լուսանկարները տրամադրել է Անդրանիկ Քոչարի լուսանկարչական թանգարանը, իսկ ցուցահանդեսի հավաքածուի մշակման վրա աշխատել է անվանի լուսանկարչի որդին՝ Վահան Քոչարը:
Հայկական առաջին միջազգային ֆոտոփառատոնը իրականացվում է Երևանի քաղաքապետարանի հովանու ներքո և տևելու է մեկ ամիս՝ մինչև սեպտեմբերի 24-ը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -42-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԱՄՆ-ից ժամանած բժիշկները Ստեփանակերտի բուժմիավորումներում կիրականացնեն հետազոտություններ և վիրահատություններ

Ընտրախախտումների վերաբերյալ նոր հաղորդումներ են ստացվել

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հայաստանում գրանցված երկրաշարժի էպիկենտրոնում ստորգետնյա ցնցման ուժգնությունը կազմել է 6-7 բալ

Խոստանում եմ լինել բոլոր ստեփանակերտցիների քաղաքապետը. Դավիթ Սարգսյանը

«Ազատ հայրենիք»-ը նոր օրակարգի շուրջ չի պատրաստվում բանակցություններ վարել. Արթուր Թովմասյանը՝ ՀՅԴ հայտարարության մասին

Search