ՍՏԵՓԱՆԱԿԵՐՏ, 13 սեպտեմբերի, ԱՐՑԱԽՊՐԵՍ: Amerikayidzayn.com-ի փոխանցմամբ` Նեթանյահուն ասել է նաեւ, թե մինչ դա անելը, ինքը կսպասի Մերձավոր Արեւելքի հարցով ԱՄՆ-ի նախագահի խաղաղության ծրագրի հրապարակմանը:
Պաղեստինցիներից շատերն են ասում, որ այդ տարածքներն արդեն իսկ փաստորեն բռնակցված են: Նրանք ցույց են տալիս այն հատվածները, որտեղ Իսրայելի կառավարությունը կառուցել է տներ, հրեաներին այստեղ վերաբնակեցնելու համար: «Հիմա նրանք այստեղից մեզ աստիճանաբար դուրս են մղում», ասում են պաղեստինցիները:
«Խաղաղություն այսօր» կազմակերպության ակտիվիստների խոսքերով նույնը տեղի է ունենում նաեւ արեւելյան Երուսաղեմում, որը պաղեստինցիներն ուզում են դարձնել իրենց ապագա պետության մայրաքաղաքը: Նրանք ասում են, որ այստեղ ամեն տարի 200 տուն են քանդում, եւ որ դա ավելի արագացավ, երբ Դոնալդ Թրամփը դարձավ ԱՄՆ-ի նախագահ:
Պաղեստինցիներից շատերն են ասում, որ պաղեստինյան նշված տարածքներն Իսրայելին բռնակցելու շուրջ արդեն իսկ համաձայնություն կա Նեթանյահուի ու Թրամփի միջեւ:
Ինչ վերաբերում է ՄԱԿ-ին, Եվրոպական միությանն ու Արաբական լիգային, պետք է ասել, որ բոլորն էլ դեմ են բռնակցմանը, հայտարարելով, որ այն կվնասի տարածաշրջանում խաղաղության գործընթացին:
Տարածքները բռնակցելու Նեթանյահուի ծրագիրը կարող է վերացնել անկախ պետություն հիմնելու պաղեստինցիների հույսը: Պաղեստինցիների ղեկավարներն այժմ հույսը կապում են միջազգային համայնքի հետ: ՄԱԿ-ի Գլխավոր ասամբլեայի հաջորդ շաբաթվա հանդիպման ժամանակ սպասվում է, որ Նեթանյահուն կհայտնվի ուժեղ քննադատության ներքո:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -64-: