Այսօր՝ սեպտեմբերի 17-ին, ԱՀ նախագահ Բակո Սահակյանը ֆիզիկական կուլտուրայի և սպորտի զարգացման գործում ներդրած ավանդի համար՝ ԱՀ կրթության, գիտության և սպորտի նախարարության աշխատակազմի սպորտի վարչության պետի պաշտոնակատար Վալերի Քոչարյանին և Շուշիի կենսաթոշակառու Ահարոն Դադայանին շնորհել է ԱՀ ֆիզիկական կուլտուրայի վաստակավոր աշխատողի պատվավոր կոչում:
Ֆիզկուլտուրնիկի օրվա առթիվ՝ Բակո Սահակյանն ԱՀ ֆիզիկական կուլտուրայի վաստակավոր աշխատողի պատվավոր կոչումներ է շնորհել
ՍՏԵՓԱՆԱԿԵՐՏ, 17 սեպտեմբերի, ԱՐՑԱԽՊՐԵՍ: Պարգևատրման արարողությունից հետո «Արցախպրես»-ի թղթակցի հետ զրույցում Վալերի Քոչարյանն իր խորհին շնորհակալությունն է հայտնել երկրի նախագահին և ԱՀ ԿԳՍ նախարարին՝ իր աշխատանքն ըստ արժանվույն գնահատելու համար:
Խոսելով Արցախում ֆիզիկական կուլտուրայի զարգացման մասին՝ Վ. Քոչարյանն ասել է, որ ինքը մշտապես պատրաստ է իր ունեցած փորձը փոխանցել երիտասարդ սերնդին:
Շուշիի շրջանի սպորտկոմիտեի նախկին նախագահ Ահարոն Դադայանը շուրջ 23 տարի աշխատել է սպորտի ոլորտում:
Ըստ Ա. Դադայանի՝ ակնհայտ է, որ վերջին տարիներին արցախցի մարզիկները միջազգային առաջնություններում գրավում են առաջնային տեղեր՝ տարբեր սպորտաձևերում դառնալով չեմպիոններ և փոխչեմպիոներ, որը խոսում է այն մասին, որ երկրի իշխանությունները պատրաստակամ են օժանդակելու սպորտի զարգացմանը:
Ֆիզկուլտուրնիկի օրվա առթիվ՝ Ա. Դադայանը շնորհավորել է ոլորտի աշխատակիցներին, և մաղթել նորանոր հաջողություններ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -47-:
