Կիպրոսում ռուսական երկրորդ թատերաշրջանը կմեկնարկի այսօր Նիկոսիայի Ռուսական գիտության և մշակույթի կենտրոնում։
Կիպրոսում հանդես կգա Մոսկվայի հայկական թատրոնը
ՍՏԵՓԱՆԱԿԵՐՏ, 19 սեպտեմբերի, ԱՐՑԱԽՊՐԵՍ: Բացմանը հանդես կգա Մոսկվայի հայկական թատրոնը Սլավա Ստեփանյանի ղեկավարությամբ։
ՏԱՍՍ-ին Սլավա Ստեփանյանն ասել է, որ երեք ներկայացմամբ են հանդես գալու, այդ թվում հայ ժամանակակից դրամատուրգ Կարիեն Խոդիկյանի «Սիրային քառանկյունի» մոտիվներով բեմադրված ներկայացմամբ, որը ցուցադրելու են հայերեն՝ ռուսերերն ենթագրերով, փոխանցում է Panorama.am-ը:
Կիպրոսում ՌԴ դեսպանության խորհրդատու Անդրեյ Պանյուխովն ասել է, որ Ռուսաստանի և Հայաստանի հարաբերությունները «ունեն իսկապես դաշնակցական և ռազմավարական բնույթ»: Նա նաև հիշեցրել է, որ Կիպրոսում կա հայկական մեծ համայնք, վիճակագրության համաձայն՝ 3000-ից ավելի։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -21-: