Արաբական կոալիցիան՝ Սաուդյան Արաբիայի գլխավորությամբ, սկսել է ռազմական գործողություն ընդդեմ Եմենում Խոդեյդայի հյուսիսի «ռազմական օբյեկտների», «Ալ Արաբիա» հեռուստաալիքին տեղեկացրել է կոալիցիայի ներկայացուցիչ Թուրքի ալ Մալիքին:
Արաբական կոալիցիան ռազմական գործողություն է սկսել Եմենի հյուսիսում
ՍՏԵՓԱՆԱԿԵՐՏ, 20 սեպտեմբերի, ԱՐՑԱԽՊՐԵՍ: Նա խաղաղ քաղաքացիներին կոչ է արել խուսափել գործողության թիրախ հանդիսացող օբյեկտներից, հաղորդում է News.am-ը։
Ավելի վաղ ալ Մալիքին հուսիներին մեղադրել էր Կարմիր ծովում ահաբեկչություն կատարելու փորձի մեջ՝ օգտագործելով հեռահար կառավարմամբ ականապատված նավակը, որը դուրս էր եկել Խոդեյդա նավահանգստից։
Իրենց հերթին, հուսիներն իրենց ենթակա «Ալ Մասիրա» հեռուստաալիքի միջոցով ասել էին, որ կոալիցիան, խախտելով Շվեդիայում կնքված համաձայնագրերը, չորս ավիահարված է հասցրել Խոդեյդայի շրջաններից մեկին։ Միեւնույն ժամանակ, նրանք հերքել են կոալիցիայի հաղորդումները ծովում հարձակման մասին՝ հայտարարելով, որ դա անհնար է իրականացնել, քանի որ Խոդեյդայում են գտնվում ՄԱԿ դիտորդները, իսկ նավահանգստից դուրս եկող բոլոր նավերը խուզարկում են կոալիցիայի ուժերը։
Սաուդյան Արաբիայի նավթի երեք խոշորագույն արտադրողներից ու արտահանողներից մեկը սեպտեմբերի 14-ի նավթային օբյեկտների գրոհից հետո արդյունահանումը կրճատել է ավելի քան կրկնակի՝ օրական 5,7 մլն բարել սովորական 9,8 մլն-ի փոխարեն։ Սաուդյան Արաբիայի էներգետիկայի նախարարը սեպտեմբերի 17-ին ասել է, որ շնորհիվ նավթի պահուստների օգտագործման նավթի մատակարարումներն արդեն հասցվել են նախկին մակարդակին, իսկ արդյունահանման նախկին ծավալը հաջողվել է կիսով չափ վերականգնել։
Եմենցի ապստամբ հուսիները, որոնց դեմ պայքարում է արաբական կոալիցիան Սաուդյան Արաբիայի գլխավորությամբ, հայտարարել է, որ նավթային օբյեկտները գրոհել են նրանց շարժման զինյալները անօդաչու թռչող սարքերի օգնությամբ։ ԱՄՆ պետքարտուղար Մայք Պոմպեոն ասել է, որ չկա Եմենից հարձակման որեւէ վկայություն եւ մեղադրել է Իրանին։ Արաբական կոալիցիան՝ Սաուդյան Արաբիայի գլխավորությամբ, նույնպես կարծում է, որ Թեհրանը մասնակից է գրոհներին։ Իրանը հերքում է մեղադրանքներն իր հասցեին։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -41-:
