Իրավիճակն այս պահի դրությամբ գնահատում եմ հարաբերական կայուն:
Իրավիճակն այս պահի դրությամբ գնահատում եմ հարաբերական կայուն. Կարեն Աբրահամյան
ՍՏԵՓԱՆԱԿԵՐՏ, 23 սեպտեմբերի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ պաշտպանության նախարար, Պաշտպանության բանակի հրամանատար գեներալ-լեյտենանտ Կարեն Աբրահամյանը:
Նրա խոսքով՝ սեպտեմբերի 22-ին՝ ժամը 16:15-ի սահմաններում, արցախա-ադրբեջանական հակամարտ զորքերի շփման գծի հարավ-արևելյան հատվածում տեղակայված մարտական դիրքերից մեկի ուղղությամբ հակառակորդի ձեռնարկած դիվերսիոն ներթափանցման փորձի ժամանակ ՊԲ զինծառայողների պատշաճ մակարդակի և իրենց առջև դրված պարտականությունների արդյունքում հակառակորդը հետ է շպրտվել ելման դիրքեր՝ չեզոք գոտում թողնելով մեկ դիակ:
«Հարցի կապակցությամբ մեզ դիմել են Կարմիր Խաչի Միջազգային Կոմիտեի և ԵԱՀԿ-ի ներկայացուցիչները: ԵԱՀԿ նախագահի անձնական ներկայացուցիչ, դեսպան Անջեյ Կասպրշիկի օգնականները այս պահին գտնվում են չեզոք գոտում և իրականացնում են զինծառայողի դին դուրս բերելու գործողություններ»,- մասնավորապես ավելացրել է նախարարը:
Կ. Աբրահամյանը ՊԲ զինծառայողների կատարած գործողությունները գնահատել է գերազանց և ընդգծել, որ ցանկացած նման գործողություն ստանլու է ավելի կոշտ պատասխան:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -60-:
