Artsakhpress

Քաղաքական

Իտալական հեղինակավոր Elettronica Group-ը պատրաստակամ է համագործակցել Հայաստանի հետ

Իտալիա կատարած աշխատանքային այցի ընթացքում ՀՀ նախագահ Արմեն Սարգսյանը հանդիպում ունեցավ հեղինակավոր Elettronica Group ընկերության գլխավոր գործադիր տնօրեն և նախագահ Էնզո Բենինիի հետ։

Իտալական հեղինակավոր Elettronica Group-ը պատրաստակամ է համագործակցել Հայաստանի հետ

Իտալական հեղինակավոր Elettronica Group-ը պատրաստակամ է համագործակցել Հայաստանի հետ
ՍՏԵՓԱՆԱԿԵՐՏ, 25 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ:  Ընկերությունը ծառայություններ է մատուցում պաշտպանության, անվտանգության ու կիբերանվտանգության ոլորտներում և համարվում է աշխարհում առաջատարներից մեկը: 
Ինչպես հաղորդում է «Արմենպրես»-ի թղթակիցը Հռոմից, Էնզո Բենինին հույս հայտնեց, որ բարեկամությունն ու համագործակցությունը կշարունակվի։ Այս առումով նա մատնանշեց մի շարք ոլորտներ, մասնավորապես, նոր տեխնոլոգիական գաղափարները, կիբերտեխնոլոգիաները։
«Ես գիտեմ, որ ձեր երկիրը պատրաստակամ է ներդրումներ անելու տարբեր ոլորտներում, հատկապես տեխնոլոգիական։ Մենք հետաքրքրված ենք Հայաստանի հետ համագործակցությամբ։ Ես մի քանի անգամ եղել եմ Հայաստանում, սակայն ցանկանում եմ նորից գալ և հասկանալ համագործակցության հնարավորությունները»,-ասաց Էնզո Բենինին։

Նա վստահեցրեց, որ որպես արդյունաբերող ընկերություն, ցանկանում են հասկանալ, թե ինչպիսի համագործակցության հնարավորություններ կան։ «Մենք ուսումնասիրում ենք Հայաստանի հետ համագործակցության հնարավորությունները։ Իհարկե, ցանկացած համագործակցություն սկսվում է հետազոտությունից»,- ասաց նա։

Արմեն Սարգսյանը կարևորեց Elettronica ընկերության հետ համագործակցությունը։
«Մեր երազանքն է Հայաստանը դարձնել աշխարհում արհեստական բանականության մշակման լավագույն վայրերից մեկը։ Այս ամենը չես կարող միանգամից սկսել վաղը։ Այն ժամանակ է պահանջում։ Ընկերությունը լավագույններից է աշխարհում։ Ինչպես մյուս խոշոր ընկերությունները, այն պետք է գա մեր երկիր՝ հասկանալու Հայաստանի ներուժը։ Իսկ այդ ներուժը գիտնականներն են, ինչպես նաև մեր երիտասարդ սերունդը»,-ասաց նախագահը։
Արմեն Սարգսյանը նշեց, որ կարևոր է հստակ գիտակցել կրթական համակարգի կարևորությունը։ «Հայաստան եկող բոլոր այս խոշոր ընկերությունները գալիս են ապագայի համար։ Ես ցանկանում եմ, որ Հայաստանը հարաբերություններ ունենա աշխարհի լավագույնի հետ»,-ասաց նա։
Նախագահ Արմեն Սարգսյանը սեպտեմբերի 23-ից աշխատանքային այցով Իտալիայում է։ Նա ելույթով հանդես է եկել կիբերանվտանգության ոլորտում միջազգային հեղինակավոր Cybertech համաժողովին։ Նախագահը հանդիպել է իտալական տեխնոլոգիական առաջատար «Լեոնարդո» ընկերության գլխավոր գործադիր տնօրեն Ալեսանդրո Պրոֆումոյի հետ։ Կայացել է նաև իտալական հանրահայտ Rizzani de Eccher շինարարական ընկերության սեփականատեր Կլաուդիա դե Էկկերի հետ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -67-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Խոշոր ավտովթար Մարտունի-Ննգի-Ստեփանակերտ ավտոճանապարհին

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Հայտնի է Արցախի նոր կառավարության և պետական կառավարման այլ մարմինների կառուցվածքը

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Search