Artsakhpress

Միջազգային

«Դուք միայնակ չեք». Ջեֆ Բեզոսն այցելել է Ստամբուլ և իր զորակցությունն է հայտնել լրագրող Ջամալ Խաշոգջիի հարսնացուին (տեսանյութ)

The Washington Post-ի սեփականատեր Ջեֆ Բեզոսը չորեքշաբթի Ստամբուլում Սաուդյան Արաբիայի հյուպատոսությունում ներկա է գտնվել լրագրող Ջամալ Խաշոգջիի պատվին կազմակերպված հիշատակի արարողությանը:

«Դուք միայնակ չեք». Ջեֆ Բեզոսն այցելել է Ստամբուլ և իր զորակցությունն է հայտնել լրագրող Ջամալ Խաշոգջիի հարսնացուին (տեսանյութ)

ՍՏԵՓԱՆԱԿԵՐՏ, 3 հոկտեմբերի, ԱՐՑԱԽՊՐԵՍ: Խաշոգջին հայտնի էր Սաուդյան Արաբիայի թագաժառանգ արքայազն Մուհամեդ բին Սալման Ալ Սաուդի հասցեին գրված քննադատական հոդվածներով, որոնք տպագրվում էին The Washington Post-ում՝ պարբերական, որը Ջեֆ Բեզոսը ձեռք է բերել 2013 թվականին՝ 250 մլն դոլարով, հայտնում է Tert.am:
Լրագրողին նվիրված հիշատակի արարողությունը տեղի է ունեցել երեկ՝ տեղական ժամանակով ժամը 13:14-ին՝ այն ժամին, երբ Խաշոգջին մուտք էր գործել հյուպատոսարան: Արարողության ժամանակ ելույթ էր ունեցել նաև Բեզոսը:
«Ոչ ոք երբևէ չպետք է անցնի այն ամենի միջով, ինչի միջով դուք եք անցել»,- ասել է նա Ստամբուլում Սաուդյան Արաբիայի հյուպատոսության մոտ հավաքված ամբոխի առջև և դիմել է Ջամալ Խաշոգջիի հարսնացուին՝ Հաթիջե Ջենգիզին:
«Հենց այստեղ դուք ժամեր շարունակ քայլել, վերուվար եք արել փողոցներով ու սպասել նրան, բայց նա այդպես էլ դուրս չեկավ այստեղից: Այդ ամենն անհնար է անգամ պատկերացնել, և վստահ եղեք, որ դուք մեր սրտում եք: Մենք հիմա ձեր կողքին ենք, ու դուք միայնակ չեք»,- ասել է նա:
Այս խոսքերից հետո Բեզոսը և Հաթիջե Ջենգիզը գրկախառնվել են, որից հետո ելույթ է ունեցել Ջենգիզը:
Ելույթի ժամանակ Ջենգիզը Խաշոգջիին անվանել է «իր լավագույն ընկերն» ու «կյանքի սերը»:
Հիշեցնենք, որ Խաշոգջին աշխատում էր The Washington Post թերթում և 2017թ.-ից ի վեր ապրում էր ԱՄՆ-ում: Անցած տարվա հոկտեմբերի 2-ին նա Թուրքիայում Սաուդյան Արաբիայի հյուպատոսարան մտնելուց հետո անհետ կորել էր: Հյուպատոսարանից հայտնել էին, թե Խաշոգջին կորել է հյուպատոսության շենքից դուրս գալուց հետո: Ավելի ուշ Սաուդյան Արաբիան խոստովանել էր, որ լրագրողը սպանվել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով:
Հետաքննության արդյունքում Ստամբուլի դատախազությունը հայտարարել էր, որ լրագրողին դիտավորյալ խեղդամահ են արել, իսկ մարմինն անդամահատել ու ոչնչացրել են:
 
Картинки по запросу Jeff Bezos tells Jamal Khashoggi's fiancée one year after his killing, 'You are not alone'
Картинки по запросу Jeff Bezos tells Jamal Khashoggi's fiancée one year after his killing, 'You are not alone'
Картинки по запросу Jeff Bezos tells Jamal Khashoggi's fiancée one year after his killing, 'You are not alone'
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Տնտեսական

Հասարակական

Ռազմական

Search