Artsakhpress

Հասարակական

Շուշիի տեխնոլոգիական համալսարանի ներկայացուցիչները Թեհրանում մասնակցել են «Շահրե Աֆտաբ» միջազգային ցուցահանդեսին

Սեպտեմբերի 24-ից 27-ը Իրանի Իսլամական Հանրապետության մայրաքաղաք Թեհրանում տեղի է ունեցել «Շահրե Աֆտաբ» միջազգային գյուղատնտեսության արդյունաբերության և սարքավորումների մասնագիտացված ցուցահանդեսը, որին մասնակցած հայկական պատվիրակության կազմում էին Շուշիի տեխնոլոգիական համալսարանի պրոռեկտոր Սարիբեկ Գալստյանն ու «Ագրոնոմիա» մասնագիտության 4-րդ կուրսի ուսանող, ֆերմեր Լևոն Հովսեփյանը:

Շուշիի տեխնոլոգիական համալսարանի ներկայացուցիչները Թեհրանում մասնակցել են «Շահրե Աֆտաբ» միջազգային ցուցահանդեսին

Շուշիի տեխնոլոգիական համալսարանի ներկայացուցիչները Թեհրանում մասնակցել են «Շահրե Աֆտաբ» միջազգային ցուցահանդեսին
ՍՏԵՓԱՆԱԿԵՐՏ, 3 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում ՇՏՀ պրոռեկտոր Սարիբեկ Գալստյանն ասել է, որ ցուցահանդեսին ներկայացվել է արցախցի ֆերմերներին հետաքրքրող եվրոպական, իրանական և այլ երկրների գյուղատնտեսական արտադրության մեջ կիրառվող մեքենաներ ու սարքավորումներ:
«Պետք է նշեմ, որ մեզ համար հետաքրքրական են եղել առանց առի շրջման հողի մշակման գործիքները, ինչպես նաև անմիջական ցանքի համար նախատեսված շարքացանները: Կառաձնացնեի նաև բանջարաբուծության մեջ օգտագործվող մարգեր և ակոսներ պատրաստող մեքենաներն ու սարքավորումները»,- ավելացրել է Ս. Գալստյանը:
Մեր զրուցակիցը նշել է, որ իրենք Թեհրանում հետևել են կենսատեխնոլոգիայի նորույթներին, որոնցից առանձնացրել են բջջային կուլտուրայով պտղատու ծառաբույսերի վիրուսազերծ տնկիների ստացման, ընկուզենու ցածրաճ սորտերով այգիների հիմնման, ցածր բերքատու և ցածրորակ այգիների վերապատվաստման տեխնոլոգիաները: Նրանց հատկապես հետաքրքրել է կաթիլային ոռոգման համար նախատեսված ջուրը զտող սարքավորումները, խողովակները, ինչպես նաև կաթիլային համակարգը սնող ջրամբարների պատրաստման տեխնոլոգիան:
 
Ս. Գալստյանը կարևորել է միջազգային ցուցահանդեսին իրենց մասնակցությունը և ընդգծել, որ ձեռք են բերել նոր կապեր՝ տեխնոլոգիաների մանրամասներին ծանոթանալու, նորագույն տեխնոլոգիաներով և տեխնիկայով հետաքրքրվող տեղացի ֆերմերներին տեղեկատվություն տրամադրելու նպատակով:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -34-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Ֆինանսների նախարարությունը Վիտալի Բալասանյանից փաստեր է պահանջում

Համապետական ընտրություններին մասնակցել են ընտրողների 72,7%-ը. ԿԸՀ նախագահ

ԱՀ ՊՆ-ն արձագանքել է Վիտալի Բալասանյանի հայտարարությանը

«Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը 

Search