ՍՏԵՓԱՆԱԿԵՐՏ, 4 հոկտեմբերի, ԱՐՑԱԽՊՐԵՍ: Այս  մասին  «Արցախպրես»-ի թղթակցի   հետ  զրուցյում    ասել է   ԱՀ  գյուղատնտեսության   նախարարության  աշխատակազմի  անասնաբուծության  և  անասնաբուժության   վարչության   պետ  Նորայր  Մուսայելյանը՝  նշելով, որ  նկատելի  առաջընթաց  է  արձանագրվել   հատկապես  խոշոր  եղջերավոր  անասունների  գլխաքանակների  և   թռչնաբուծության  ոլորտում:

Խոսելով  անասնաբուծության  և  անասնաբուժության   ոլորտի   խնդիրների  և   դրանց    ուղղված  պետական  աջակցության  ծրագրերի  մասին՝   մեր  զրուցակիցը  մանրամասնել  է. «Մենք   խնդիրներ  ունենք  կապված  կերարտադրության   հետ, որի  համար  տարբեր  համայնքներում անհրաժեշտ  է    գյուղատնտեսական    տեխնիկա: Անասունների   մթերատվության  բարելավման  ուղղությամբ    ևս  տարեցտարի աշխատանքներ  են իրականացվում:  Անասնաբուժության ոլորտի  հիմնական  խնդիրներն  են  անկանոն    անասնապահությունը,  որի  պատճառը   համայնքներում   նախիրների  բացակայությունն  է, ինչպես  նաև  խոզերի   փակ   պահվածքը: Այդ    խնդիրների  լուծմանն են ուղղված  պետական   մի  շարք  ծրագրեր: Կերարտադրության    ոլորտում  իրականցնում ենք  կորնգանի  և  առվույտի    սերմնացուների    անվճար   տրամադրում.  1  հա-ի   դիմաց  կորնգանի մշակության  համար   տրամադրվում  է   100  կգ  անվճար  սերմացու, իսկ  առվույտի  դեպքում՝ 20  կգ: Մթերատվության  բարձրացման  ուղղությամբ  անվճար    հիմունքներով իրականացնում ենք արհեստական  սերմնավորում,  ինչպես  խոշոր  եղջերավոր  անասունների, այնպես  էլ   խոզերի  մոտ:  Իրականացնում ենք  նաև   տոհմային  կենդանինների  վաճառք, որի   համար  պետությունը  սուբսիդավորում  է  արժեքի  35  %-ը: Անասնաբուժության  ոլորտում  իրականացնում ենք    պատվաստումներ,  ինչպես  նաև  անասնաբույժերի  համար  կազմակերպում  ենք   վերապատրաստման դասընթացներ,   գործուղումներ՝   արտերկրի   փորձն  Արցախում  կիրառելու  համար»:

 

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -37-: