Artsakhpress

Հասարակական

Արցախում բնակվող ազգային փոքրամասնությունների ներկայացուցիչների մասնակցությամբ կազմակերպվել է կլոր սեղան-քննարկում

Արցախում բնակվող տարբեր ազգերի ներկայացուցիչների բարեկամական հարաբերությունները ամրապնդելու նպատակով՝ Ստեփանակերտում այսօր մեկնարկել է «Արցախը մեր տունն է» խորագրով փառատոնը:

Արցախում բնակվող ազգային փոքրամասնությունների ներկայացուցիչների մասնակցությամբ կազմակերպվել է կլոր սեղան-քննարկում

Արցախում բնակվող ազգային փոքրամասնությունների ներկայացուցիչների մասնակցությամբ կազմակերպվել է կլոր սեղան-քննարկում
ՍՏԵՓԱՆԱԿԵՐՏ, 4 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ փառատոնի մեկնարկին կազմակերպվել է կլոր սեղան-քննարկում, որին մասնակցել են Արցախի և Հայաստանի ազգային փոքրամասնությունների անդամներ, պետական մարմինների, գերատեսչությունների, հասարակական կազմակերպությունների ներկայացուցիչներ:
Իր խոսքում՝ ԱՀ ՄԵՀԶ նախարար Լեռնիկ Հովհաննիսյանը ողջունել է փառատոնի անցկացումն Արցախում և նշել, որ ցանկացած երկրի համար միջազգային հեղինակությունը պայմանավորված է նրանով, թե պետությունն ինչ վերաբերմունք ունի տվյալ երկրում ապրող ազգային փոքրամասնությունների նկատմամբ:
«Կարևորում եմ նման միջոցառումների անցկացումը և կարծում եմ, որ կլոր սեղանի ընթացքում քննարկվելիք հարցերը պետք է դառնան առարկայական:  Որպես լիազոր մարմին՝ ԱՀ ՄԵՀԶ-ն պետք է պատշաճ ուշադրություն դարձնի մեր ազգային փոքրամասնություններին»,- նշել է Լ. Հովհաննիսյանը:
ԱՀ ՄԵՀԶ ազգային փոքրամասնությունների և կրոնի հարցերի բաժնի պետ Աշոտ Սարգսյանն էլ ասել է, որ նման ձևաչափով փառատոն առաջին անգամ է կազմակերպվում Արցախում:
Նրա խոսքով՝ փառատոնի նպատակն է վեր հանել Արցախում բնակվող ազգային փոքրամասնությունների խնդրները՝ պետության և հասարակության ուշադրությունը հրավիրելով նրանց վրա:
Քննարկմանը ներկա ՀՀ վարչապետի աշխատակազմի ազգային փոքրամասնությունների և կրոնի հարցերի բաժնի մասնագետ Նարինե Գուլյանը նշել է, որ Հայաստանում գրանցված է 11 ազգային փոքրամասնությունների միություն:
«Հայաստանում ևս ազգային փոքրամասնությունների ներկայացուցիչներն ունեն շատ հարցեր: Ուրախալի է տեսնել, որ Արցախում հունական համայնք կա, որը համագործակցում է ՀՀ գործընկեր կառույցի հետ: Պետք է նշեմ, որ ռուսական համայնքն արդեն իսկ ունի կապեր: Առկա կապերը պետք է խորացնել և խթանել տարբեր հարցերի շուրջ համագործակցությունը»,- ավելացրել է Ն. Գուլյանը:
Միջոցառմանն Արցախում գործող Հունական համայնքի ղեկավար Սոֆի Իվանիդիսը և Ռուսական համայնքի ղեկավար Գալինա Սոմովան անդրադարձել են համայնքների գործունեությանը, ներկայացրել ազգային փոքրամասնություններին առնչվող մի շարք հարցեր:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -50-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Սիրիայում Թուրքիայի հարձակման հետևանքով ավելի քան 130 000 մարդ փախստական է դարձել. ՄԱԿ

Search